Read the Bible

¹ Magistro chori. Ad modum cantici " Torcularia... ". PSALMUS. David. [8:2] Domine, Dominus noster, quam admirabile est nomen tuum in universa terra, quoniam elevata est magnificentia tua super caelos. ² [8:3] Ex ore infantium et lactantium perfecisti laudem propter inimicos tuos, ut destruas inimicum et ultorem.

³ [8:4] Quando video caelos tuos, opera digitorum tuorum, lunam et stellas, quae tu fundasti, ⁴ [8:5] quid est homo, quod memor es eius, aut filius hominis, quoniam visitas eum? ⁵ [8:6] Minuisti eum paulo minus ab angelis, gloria et honore coronasti eum ⁶ [8:7] et constituisti eum super opera manuum tuarum. Omnia subiecisti sub pedibus eius: ⁷ [8:8] oves et boves universas, insuper et pecora campi, ⁸ [8:9] volucres caeli et pisces maris, quaecumque perambulant semitas maris. ⁹ [8:10] Domine, Dominus noster, quam admirabile est nomen tuum in universa terra!