Read the Bible

¹ Magistro chori. PSALMUS. David. [64:2] Exaudi, Deus, vocem meam in meditatione mea; a timore inimici custodi animam meam. ² [64:3] Protege me a conventu malignantium, a multitudine operantium iniquitatem. ³ [64:4] Qui exacuerunt ut gladium linguas suas, intenderunt sagittas suas, venefica verba, ⁴ [64:5] ut sagittent in occultis immaculatum. Subito sagittabunt eum et non timebunt, ⁵ [64:6] firmaverunt sibi consilium nequam. Disputaverunt, ut absconderent laqueos, dixerunt: "Quis videbit eos?". ⁶ [64:7] Excogitaverunt iniqua, perfecerunt excogitata consilia. Interiora hominis et cor eius abyssus.

⁷ [64:8] Et sagittavit illos Deus; subito factae sunt plagae eorum, ⁸ [64:9] et infirmavit eos lingua eorum. Caput movebunt omnes, qui videbunt eos, ⁹ [64:10] et timebit omnis homo; et annuntiabunt opera Dei et facta eius intellegent. ¹⁰ [64:11] Laetabitur iustus in Domino et sperabit in eo, et gloriabuntur omnes recti corde.