Read the Bible

¹ PSALMUS. David, cum in deserto Iudae commoraretur. [63:2] Deus, Deus meus es tu, ad te de luce vigilo. Sitivit in te anima mea, te desideravit caro mea. In terra deserta et arida et inaquosa, ² [63:3] sic in sancto apparui tibi, ut viderem virtutem tuam et gloriam tuam.

³ [63:4] Quoniam melior est misericordia tua super vitas, labia mea laudabunt te. ⁴ [63:5] Sic benedicam te in vita mea et in nomine tuo levabo manus meas. ⁵ [63:6] Sicut adipe et pinguedine repleatur anima mea, et labiis exsultationis laudabit os meum. ⁶ [63:7] Cum memor ero tui super stratum meum, in matutinis meditabor de te,

⁷ [63:8] quia fuisti adiutor meus, et in velamento alarum tuarum exsultabo. ⁸ [63:9] Adhaesit anima mea post te, me suscepit dextera tua. ⁹ [63:10] Ipsi vero in ruinam quaesierunt animam meam, introibunt in inferiora terrae, ¹⁰ [63:11] tradentur in potestatem gladii, partes vulpium erunt. ¹¹ [63:12] Rex vero laetabitur in Deo; gloriabuntur omnes, qui iurant in eo, quia obstructum est os loquentium iniqua.