Read the Bible

¹ Magistro chori. Fidibus. David. [61:2] Exaudi, Deus, deprecationem meam, intende orationi meae. ² [61:3] A finibus terrae ad te clamavi, dum anxiaretur cor meum. In petram inaccessam mihi deduc me! ³ [61:4] Quia factus es spes mea, turris fortitudinis a facie inimici. ⁴ [61:5] Inhabitabo in tabernaculo tuo in saecula, protegar in velamento alarum tuarum,

⁵ [61:6] quoniam tu, Deus meus, exaudisti vota mea, dedisti hereditatem timentium nomen tuum. ⁶ [61:7] Dies super dies regis adicies, annos eius usque in diem generationis et generationis. ⁷ [61:8] Sedeat in aeternum in conspectu Dei; misericordia et veritas servent eum. ⁸ [61:9] Sic psalmum dicam nomini tuo in saeculum saeculi, ut reddam vota mea de die in diem.