Read the Bible

¹ David vero hos habuit filios, qui ei nati sunt in Hebron: primoge nitum Amnon ex Achinoam Iezrahelitide, secundum Daniel de Abigail de Carmel, ² tertium Absalom filium Maacha filiae Tholmai regis Gesur, quartum Adoniam filium Haggith, ³ quintum Saphatiam ex Abital, sextum Iethraam de Egla uxore sua. ⁴ Sex ergo nati sunt ei in Hebron, ubi regnavit septem annis et sex mensibus. Triginta autem et tribus annis regnavit in Ierusalem. ⁵ Porro in Ierusalem nati sunt ei filii: Samua et Sobab et Nathan et Salomon, quattuor de Bethsabee filia Ammiel; ⁶ Iebahar quoque et Elisama et Eliphalet ⁷ et Noga et Napheg et Iaphia ⁸ necnon Elisama et Eliada et Eliphalet, novem. ⁹ Omnes hi filii David absque filiis concubinarum; habueruntque sororem Thamar.

¹⁰ Filius autem Salomonis Roboam, cuius Abia filius genuit Asa; de hoc quoque natus est Iosaphat ¹¹ pater Ioram; qui Ioram genuit Ochoziam, ex quo ortus est Ioas. ¹² Et huius Amasias filius genuit Azariam, porro Azariae filius Ioatham ¹³ procreavit Achaz patrem Ezechiae, de quo natus est Manasses. ¹⁴ Sed et Manasses genuit Amon patrem Iosiae; ¹⁵ filii autem Iosiae fuerunt: primogenitus Iohanan, secundus Ioachim, tertius Sedecias, quartus Sellum. ¹⁶ Filii Ioachim: Iechonias filius eius, Sedecias filius eius. ¹⁷ Filii Iechoniae captivi fuerunt: Salathiel filius eius, ¹⁸ Melchiram, Phadaia, Senasser et Iecemias, Hosama et Nadabias. ¹⁹ De Phadaia orti sunt Zorobabel et Semei. Zorobabel genuit Mosollam, Hananiam et Salomith sororem eorum ²⁰ Hasabamque et Ohol et Barachiam et Hasadiam, Iosabhesed, quinque. ²¹ Filii autem Hananiae: Pheltias, Iesaias, Raphaia, Arnan, Abdia et Sechenias. ²² Filii Secheniae: Semeia et Hattus et Igal et Baria et Naaria et Saphat, sex numero. ²³ Filii Naariae: Elioenai et Ezechias et Ezricam, tres. ²⁴ Filii Elioenai: Odovia et Eliasib et Pheleia et Accub et Iohanan et Dalaia et Anani, septem.