Read the Bible

¹ Filii autem Israel: Ruben, Simeon, Levi, Iuda, Issachar et Zabulon, ² Dan, Ioseph, Beniamin, Nephthali, Gad, Aser. ³ Filii Iudae: Her, Onan et Sela; hi tres nati sunt ei de filia Sue Chananitide. Fuit autem Her primogenitus Iudae malus coram Domino, et occidit eum. ⁴ Thamar autem nurus eius peperit ei Phares et Zara; omnes ergo filii Iudae quinque. ⁵ Filii autem Phares: Esrom et Hamul. ⁶ Filii quoque Zarae: Zamri et Ethan et Heman, Chalchol quoque et Darda; simul quinque. ⁷ Filii Charmi: Achar, qui turbavit Israel et peccavit in furto anathematis. ⁸ Filii Ethan: Azarias. ⁹ Filii autem Esrom, qui nati sunt ei: Ierameel et Aram et Chaleb. ¹⁰ Porro Aram genuit Aminadab, Aminadab autem genuit Naasson principem filiorum Iudae, ¹¹ Naasson quoque genuit Salmon, de quo ortus est Booz. ¹² Booz vero genuit Obed, qui et ipse genuit Isai. ¹³ Isai autem genuit primogenitum Eliab, secundum Abinadab, tertium Samma, ¹⁴ quartum Nathanael, quintum Raddai, ¹⁵ sextum Asom, septimum David. ¹⁶ Quorum sorores fuerunt: Sarvia et Abigail; filii Sarviae: Abisai, Ioab et Asael, tres. ¹⁷ Abigail autem genuit Amasa, cuius pater fuit Iether Ismaelites.

¹⁸ Chaleb vero filius Esrom genuit de uxore sua nomine Azuba, de qua nati sunt Ierioth, Ieser et Sobab et Ardon. ¹⁹ Cumque mortua fuisset Azuba, accepit uxorem Chaleb Ephratha, quae peperit ei Hur. ²⁰ Porro Hur genuit Uri, et Uri genuit Beseleel. ²¹ Post haec ingressus est Esrom ad filiam Machir patris Galaad et accepit eam, cum ipse esset annorum sexaginta; quae peperit ei Segub. ²² Sed et Segub genuit Iair, qui possedit viginti tres civitates in terra Galaad. ²³ Cepitque Gesur et Aram oppida Iair ipsis et Canath et viculos eius sexaginta civitates. Omnes isti filii Machir patris Galaad. ²⁴ Cum autem mortuus esset Esrom, ingressus est Chaleb ad Ephratha uxorem Esrom patris sui. Habuit quoque Esrom uxorem Abia, quae peperit ei Ashur patrem Thecue. ²⁵ Nati sunt autem filii Ierameel primogeniti Esrom: Ram primogenitus eius et Buna et Aran et Asom et Ahia. ²⁶ Duxit quoque uxorem alteram Ierameel nomine Atara, quae fuit mater Onam. ²⁷ Sed et filii Ram primogeniti Ierameel fuerunt: Moos et Iamin et Acar. ²⁸ Onam autem habuit filios: Sammai et Iada. Filii autem Sammai: Nadab et Abisur. ²⁹ Nomen vero uxoris Abisur Abiail, quae peperit ei Ahobban et Molid. ³⁰ Filii autem Nadab fuerunt Saled et Apphaim; mortuus est autem Saled absque liberis. ³¹ Filius vero Apphaim: Iesi, qui Iesi genuit Sesan; porro Sesan genuit Oholai. ³² Filii autem Iada fratris Semmei: Iether et Ionathan; sed et Iether mortuus est absque liberis. ³³ Porro Ionathan genuit Phaleth et Ziza. Isti fuerunt filii Ierameel. ³⁴ Sesan autem non habuit filios sed filias et servum Aegyptium nomine Ieraa; ³⁵ deditque ei filiam suam uxorem, quae peperit ei Eththei. ³⁶ Eththei autem genuit Nathan, et Nathan genuit Zabad; ³⁷ Zabad quoque genuit Ophlal, et Ophlal genuit Obed. ³⁸ Obed genuit Iehu, Iehu genuit Azariam; ³⁹ Azarias genuit Helles, Helles genuit Elasa. ⁴⁰ Elasa genuit Sisamoi, Sisamoi genuit Sellum; ⁴¹ Sellum genuit Iecemiam, Iecemias genuit Elisama. ⁴² Filii autem Chaleb fratris Ierameel: Mesa primogenitus eius, ipse est pater Ziph; et filius eius Maresa pater Hebron. ⁴³ Porro filii Hebron: Core et Thapphua et Recem et Samma; ⁴⁴ Samma autem genuit Raham patrem Iercaam, et Recem genuit Sammai. ⁴⁵ Filius Sammai: Maon, et Maon pater Bethsur. ⁴⁶ Epha autem concubina Chaleb peperit Charran et Mosa et Gezez; porro Charran genuit Gezez. ⁴⁷ Filii Iahaddai: Regem et Iotham et Gesan et Phalet et Epha et Saaph. ⁴⁸ Concubina Chaleb Maacha peperit Saber et Tharana. ⁴⁹ Genuit autem Saaph pater Madmena Sue patrem Machbena et patrem Gabaa. Filia vero Chaleb fuit Achsa. ⁵⁰ Hi erant filii Chaleb. Filii Hur primogeniti Ephratha: Sobal pater Cariathiarim, ⁵¹ Salmon pater Bethlehem, Hariph pater Bethgader. ⁵² Fuerunt autem filii Sobal patris Cariathiarim Raaia, dimidium Manahat ⁵³ et cognationes Cariathiarim: Iethraei et Phutaei et Sumathaei et Maseraei. Ex his egressi sunt Saraitae et Esthaolitae. ⁵⁴ Filii Salmon: Bethlehem et Netophathitae, Atarothbethioab et dimidium Manahat de Saraa, ⁵⁵ cognationes quoque de Cariathsepher habitantes in Iabes: Therathaei, Semathaei et Suchathaei. Hi sunt Cinaei, qui orti sunt de Ammath patre domus Rechab.