Read the Bible

¹ Domine, in virtute tua lætabitur rex, et super salutare tuum exsultabit vehementer.

² Desiderium cordis ejus tribuisti ei, et voluntate labiorum ejus non fraudasti eum.

³ Quoniam prævenisti eum in benedictionibus dulcedinis ; posuisti in capite ejus coronam de lapide pretioso.

⁴ Vitam petiit a te, et tribuisti ei longitudinem dierum in sæculum, et in sæculum sæculi.

⁵ Magna est gloria ejus in salutari tuo ; gloriam et magnum decorem impones super eum.

⁶ Quoniam dabis eum in benedictionem in sæculum sæculi ; lætificabis eum in gaudio cum vultu tuo.

⁷ Quoniam rex sperat in Domino ; et in misericordia Altissimi non commovebitur.

⁸ Inveniatur manus tua omnibus inimicis tuis ; dextera tua inveniat omnes qui te oderunt.

⁹ Pones eos ut clibanum ignis in tempore vultus tui : Dominus in ira sua conturbabit eos et devorabit eos ignis.

¹⁰ Fructum eorum de terra perdes, et semen eorum a filiis hominum,

¹¹ quoniam declinaverunt in te mala ; cogitaverunt consilia quæ non potuerunt stabilire.

¹² Quoniam pones eos dorsum ; in reliquiis tuis præparabis vultum eorum.

¹³ Exaltare, Domine, in virtute tua ; cantabimus et psallemus virtutes tuas.

¹⁴ Munus absconditum extinguit iras, et donum in sinu indignationem maximam.

¹⁵ Gaudium justo est facere judicium, et pavor operantibus iniquitatem.

¹⁶ Vir qui erraverit a via doctrinæ in cÅ“tu gigantum commorabitur.

¹⁷ Qui diligit epulas in egestate erit ; qui amat vinum et pinguia non ditabitur.

¹⁸ Pro justo datur impius, et pro rectis iniquus.

¹⁹ Melius est habitare in terra deserta, quam cum muliere rixosa et iracunda.

²⁰ Thesaurus desiderabilis, et oleum in habitaculo justi : et imprudens homo dissipabit illud.

²¹ Qui sequitur justitiam et misericordiam inveniet vitam, justitiam, et gloriam.

²² Civitatem fortium ascendit sapiens, et destruxit robur fiduciæ ejus.

²³ Qui custodit os suum et linguam suam custodit ab angustiis animam suam.

²⁴ Superbus et arrogans vocatur indoctus, qui in ira operatur superbiam.

²⁵ Desideria occidunt pigrum : noluerunt enim quidquam manus ejus operari.²⁶ Tota die concupiscit et desiderat ; qui autem justus est tribuet, et non cessabit.

²⁷ Hostiæ impiorum abominabiles, quia offeruntur ex scelere.

²⁸ Testis mendax peribit ; vir obediens loquetur victoriam.

²⁹ Vir impius procaciter obfirmat vultum suum ; qui autem rectus est corrigit viam suam.

³⁰ Non est sapientia, non est prudentia, non est consilium contra Dominum.³¹ Equus paratur ad diem belli ; Dominus autem salutem tribuit.