Read the Bible

¹ Cæli enarrant gloriam Dei, et opera manuum ejus annuntiat firmamentum.

² Dies diei eructat verbum, et nox nocti indicat scientiam.

³ Non sunt loquelæ, neque sermones, quorum non audiantur voces eorum.

⁴ In omnem terram exivit sonus eorum, et in fines orbis terræ verba eorum.

⁵ In sole posuit tabernaculum suum ; et ipse tamquam sponsus procedens de thalamo suo. Exsultavit ut gigas ad currendam viam ;

⁶ a summo cælo egressio ejus. Et occursus ejus usque ad summum ejus ; nec est qui se abscondat a calore ejus.⁷ Lex Domini immaculata, convertens animas ; testimonium Domini fidele, sapientiam præstans parvulis.

⁸ Justitiæ Domini rectæ, lætificantes corda ; præceptum Domini lucidum, illuminans oculos.

⁹ Timor Domini sanctus, permanens in sæculum sæculi ; judicia Domini vera, justificata in semetipsa.

¹⁰ Desiderabilia super aurum et lapidem pretiosum multum ; et dulciora super mel et favum.

¹¹ Etenim servus tuus custodit ea ; in custodiendis illis retributio multa.

¹² Delicta quis intelligit ? ab occultis meis munda me ;

¹³ et ab alienis parce servo tuo. Si mei non fuerint dominati, tunc immaculatus ero, et emundabor a delicto maximo.

¹⁴ Et erunt ut complaceant eloquia oris mei, et meditatio cordis mei in conspectu tuo semper. Domine, adjutor meus, et redemptor meus.

¹⁵ Pigredo immittit soporem, et anima dissoluta esuriet.

¹⁶ Qui custodit mandatum custodit animam suam ; qui autem negligit viam suam mortificabitur.

¹⁷ FÅ“neratur Domino qui miseretur pauperis, et vicissitudinem suam reddet ei.

¹⁸ Erudi filium tuum ; ne desperes : ad interfectionem autem ejus ne ponas animam tuam.

¹⁹ Qui impatiens est sustinebit damnum, et cum rapuerit, aliud apponet.

²⁰ Audi consilium, et suscipe disciplinam, ut sis sapiens in novissimis tuis.

²¹ Multæ cogitationes in corde viri ; voluntas autem Domini permanebit.

²² Homo indigens misericors est, et melior est pauper quam vir mendax.

²³ Timor Domini ad vitam, et in plenitudine commorabitur absque visitatione pessima.

²⁴ Abscondit piger manum suam sub ascella, nec ad os suum applicat eam.

²⁵ Pestilente flagellato stultus sapientior erit ; si autem corripueris sapientem, intelliget disciplinam.

²⁶ Qui affligit patrem, et fugat matrem, ignominiosus est et infelix.

²⁷ Non cesses, fili, audire doctrinam, nec ignores sermones scientiæ.

²⁸ Testis iniquus deridet judicium, et os impiorum devorat iniquitatem.

²⁹ Parata sunt derisoribus judicia, et mallei percutientes stultorum corporibus.