Read the Bible

¹ Magistro chori. Fidibus. Maskil. David, [54:2] postquam Ziphaei ad Saul venerunt dicentes: " Ecce David apud nos abditus latet ". [54:3] Deus, in nomine tuo salvum me fac et in virtute tua iudica me. ² [54:4] Deus, exaudi orationem meam, auribus percipe verba oris mei! ³ [54:5] Quoniam superbi insurrexerunt adversum me, et fortes quaesierunt animam meam et non proposuerunt Deum ante conspectum suum.

⁴ [54:6] Ecce enim Deus adiuvat me, et Dominus susceptor est animae meae. ⁵ [54:7] Converte mala super inimicos meos et in veritate tua disperde illos. ⁶ [54:8] Voluntarie sacrificabo tibi, confitebor nomini tuo, Domine, quoniam bonum est; ⁷ [54:9] quoniam ex omni tribulatione eripuit me, et super inimicos meos despexit oculus meus.