Read the Bible

¹ Magistro chori. Maskil. David, [52:2] postquam Doeg Edomita ad Saul venit eique narravit dicens: " David intravit in domum Abimelech ". [52:3] Quid gloriaris in malitia, qui potens es iniquitate? ² [52:4] Tota die insidias cogitasti; lingua tua sicut novacula acuta, qui facis dolum. ³ [52:5] Dilexisti malitiam super benignitatem, mendacium magis quam loqui aequitatem. ⁴ [52:6] Dilexisti omnia verba perditionis, lingua dolosa. ⁵ [52:7] Propterea Deus destruet te in finem; evellet te et emigrabit te de tabernaculo et radicem tuam de terra viventium.

⁶ [52:8] Videbunt iusti et timebunt et super eum ridebunt: ⁷ [52:9] "Ecce homo, qui non posuit Deum refugium suum, sed speravit in multitudine divitiarum suarum et praevaluit in insidiis suis". ⁸ [52:10] Ego autem sicut virens oliva in domo Dei. Speravi in misericordia Dei in aeternum et in saeculum saeculi. ⁹ [52:11] Confitebor tibi in saeculum, quia fecisti; et exspectabo nomen tuum, quoniam bonum est, in conspectu sanctorum tuorum.