Read the Bible

¹ Canticum. PSALMUS. Filiorum Core. [48:2] Magnus Dominus et laudabilis nimis in civitate Dei nostri. ² [48:3] Mons sanctus eius collis speciosus, exsultatio universae terrae. Mons Sion, extrema aquilonis, civitas regis magni. ³ [48:4] Deus in domibus eius notus factus est ut refugium. ⁴ [48:5] Quoniam ecce reges congregati sunt, convenerunt in unum. ⁵ [48:6] Ipsi cum viderunt, sic admirati sunt, conturbati sunt, diffugerunt; ⁶ [48:7] illic tremor apprehendit eos, dolores ut parturientis. ⁷ [48:8] In spiritu orientis conteres naves Tharsis.

⁸ [48:9] Sicut audivimus, sic vidimus in civitate Domini virtutum, in civitate Dei nostri; Deus fundavit eam in aeternum. ⁹ [48:10] Recogitamus, Deus, misericordiam tuam in medio templi tui. ¹⁰ [48:11] Secundum nomen tuum, Deus, sic et laus tua in fines terrae; iustitia plena est dextera tua. ¹¹ [48:12] Laetetur mons Sion, et exsultent filiae Iudae propter iudicia tua. ¹² [48:13] Circumdate Sion et complectimini eam, numerate turres eius. ¹³ [48:14] Ponite corda vestra in virtute eius et percurrite domos eius, ut enarretis in progenie altera. ¹⁴ [48:15] Quoniam hic est Deus, Deus noster in aeternum et in saeculum saeculi; ipse ducet nos in saecula.