Read the Bible

¹ PSALMUS. David, cum fugit a filio suo Absalom. [3:2] Domine, quid multiplicati sunt, qui tribulant me? Multi insurgunt adversum me, ² [3:3] multi dicunt animae meae: "Non est salus ipsi in Deo". ³ [3:4] Tu autem, Domine, protector meus es, gloria mea et exaltans caput meum.

⁴ [3:5] Voce mea ad Dominum clamavi, et exaudivit me de monte sancto suo. ⁵ [3:6] Ego obdormivi et soporatus sum, exsurrexi, quia Dominus suscepit me. ⁶ [3:7] Non timebo milia populi circumdantis me. Exsurge, Domine salvum me fac, Deus meus; ⁷ [3:8] quoniam tu percussisti in maxillam omnes adversantes mihi, dentes peccatorum contrivisti. ⁸ [3:9] Domini est salus, et super populum tuum benedictio tua.