Read the Bible

¹ David. Iudica me, Domine, quoniam ego in innocentia mea ingressus sum et in Domino sperans non infirmabor. ² Proba me, Domine, et tenta me; ure renes meos et cor meum. ³ Quoniam misericordia tua ante oculos meos est, et ambulavi in veritate tua. ⁴ Non sedi cum viris vanitatis et cum occulte agentibus non introibo. ⁵ Odivi ecclesiam malignantium et cum impiis non sedebo.

⁶ Lavabo in innocentia manus meas et circumdabo altare tuum, Domine, ⁷ ut auditas faciam voces laudis et enarrem universa mirabilia tua. ⁸ Domine, dilexi habitaculum domus tuae et locum habitationis gloriae tuae. ⁹ Ne colligas cum impiis animam meam et cum viris sanguinum vitam meam, ¹⁰ in quorum manibus iniquitates sunt, dextera eorum repleta est muneribus. ¹¹ Ego autem in innocentia mea ingressus sum; redime me et miserere mei. ¹² Pes meus stetit in directo, in ecclesiis benedicam Domino.