Read the Bible

¹ David. PSALMUS. Dixit Dominus Domino meo: "Sede a dextris meis, donec ponam inimicos tuos scabellum pedum tuorum". ² Virgam potentiae tuae emittet Dominus ex Sion: dominare in medio inimicorum tuorum. ³ Tecum principatus in die virtutis tuae, in splendoribus sanctis, ex utero ante luciferum genui te. ⁴ Iuravit Dominus et non paenitebit eum: "Tu es sacerdos in aeternum secundum ordinem Melchisedech".

⁵ Dominus a dextris tuis, conquassabit in die irae suae reges. ⁶ Iudicabit in nationibus: cumulantur cadavera, conquassabit capita in terra spatiosa. ⁷ De torrente in via bibet, propterea exaltabit caput.