Read the Bible

¹ [17:16] Et locutus est Dominus ad Moysen dicens: ² [17:17] "Loquere ad filios Israel et accipe ab eis virgas singulas per cognationes suas, a cunctis principibus tribuum virgas duodecim, et uniuscuiusque nomen superscribes virgae suae. ³ [17:18] Nomen autem Aaron scribes in virga Levi, et una virga cunctas seorsum familias continebit. ⁴ [17:19] Ponesque eas in tabernaculo conventus coram testimonio, ubi conveniam cum vobis. ⁵ [17:20] Quem ex his elegero, germinabit virga eius; et cohibebo a me querimonias filiorum Israel, quibus contra vos murmurant". ⁶ [17:21] Locutusque est Moyses ad filios Israel, et dederunt ei omnes principes virgas per singulas tribus; fueruntque virgae duodecim, et virga Aaron in medio earum. ⁷ [17:22] Quas cum posuisset Moyses coram Domino in tabernaculo testimonii,

⁸ [17:23] sequenti die regressus invenit germinasse virgam Aaron in domo Levi; et turgentibus gemmis eruperant flores, qui, foliis dilatatis, in amygdalas deformati sunt. ⁹ [17:24] Protulit ergo Moyses omnes virgas de conspectu Domini ad cunctos filios Israel; videruntque et receperunt singuli virgas suas. ¹⁰ [17:25] Dixitque Dominus ad Moysen: "Refer virgam Aaron coram testimonio, ut servetur ibi in signum rebellium filiorum Israel, et quiescant querelae eorum a me, ne moriantur". ¹¹ [17:26] Fecitque Moyses, sicut praeceperat Dominus. ¹² [17:27] Dixerunt autem filii Israel ad Moysen: "Ecce consumpti sumus, perimus, omnes perimus! ¹³ [17:28] Quicumque accedit ad habitaculum Domini, moritur. Num usque ad internecionem cuncti delendi sumus?".