Read the Bible

¹ [5:20] Locutus est Dominus ad Moysen dicens: ² [5:21] "Anima, quae peccaverit et, contempto Domino, negaverit proximo suo depositum, quod fidei eius creditum fuerat, vel vi aliquid extorserit aut calumniam fecerit, ³ [5:22] sive rem perditam invenerit et infitians insuper peierarit in uno ex omnibus, in quibus peccare solent homines, ⁴ [5:23] si quis sic peccaverit et deliquerit, reddet omnia, quae per rapinam vel calumniam abstulerit vel deposita retinuerit vel perdita invenerit ⁵ [5:24] vel de quibus peierarit, et restituet integra et quintam insuper addet partem domino, cui damnum intulerat, in die sacrificii pro delicto. ⁶ [5:25] Sacrificium pro delicto offeret Domino: arietem immaculatum de grege iuxta aestimationem; ⁷ [5:26] qui expiabit eum coram Domino, et dimittetur illi pro singulis, quae faciendo peccaverit".

⁸ [6:01] Locutus est Dominus ad Moysen dicens: ⁹ [6:02] "Praecipe Aaron et filiis eius: Haec est lex holocausti: cremabitur in foco altaris tota nocte usque mane; ignis altaris in eo ardebit. ¹⁰ [6:03] Vestietur sacerdos tunica et feminalibus lineis super verecunda sua; tolletque cineres, quos vorans ignis exussit, et ponet iuxta altare. ¹¹ [6:04] Porro spoliabitur prioribus vestimentis; indutusque aliis efferet cineres extra castra in locum mundum. ¹² [6:05] Ignis autem in altari semper ardebit, non exstinguetur, quem nutriet sacerdos subiciens ligna mane per singulos dies et, imposito holocausto, desuper adolebit adipes pacificorum. ¹³ [6:06] Ignis est iste perpetuus, qui numquam deficiet in altari.

¹⁴ [6:07] Haec est lex sacrificii similae, quod offerent filii Aaron coram Domino et coram altare: ¹⁵ [6:08] tollet sacerdos ex eo pugillum similae, quae conspersa est oleo, et totum tus, quod super similam positum est; adolebitque illud in altari in odorem suavissimum, memoriale Domino. ¹⁶ [6:09] Reliquam autem partem similae comedet Aaron cum filiis suis, et panis absque fermento comedetur in loco sancto; in atrio tabernaculi conventus comedent illam. ¹⁷ [6:10] Ideo autem non coquetur fermentata, quia ut partem eorum dedi illam ex incensis meis: sanctum sanctorum est, sicut sacrificium pro peccato atque pro delicto; ¹⁸ [6:11] mares tantum stirpis Aaron comedent illud. Legitimum sempiternum est in generationibus vestris de incensis Domini; omnis, qui tetigerit illa, sanctificabitur". ¹⁹ [6:12] Et locutus est Dominus ad Moysen dicens: ²⁰ [6:13] "Haec est oblatio Aaron et filiorum eius, quam offerre debent Domino in die unctionis ipsius: decimam partem ephi offerent similae in sacrificio sempiterno medium eius mane et medium vespere; ²¹ [6:14] quae in sartagine oleo conspersa frigetur. Afferes eam calidam et offeres divisam minutatim, sacrificium in odorem suavissimum Domino. ²² [6:15] Sacerdos unctus, qui patri iure successerit, faciet illud. Legitimum sempiternum: Domino tota cremabitur; ²³ [6:16] omne enim sacrificium similae sacerdotum igne consumetur, nec quisquam comedet ex eo".

²⁴ [6:17] Locutus est Dominus ad Moysen dicens: ²⁵ [6:18] "Loquere Aaron et filiis eius: Ista est lex sacrificii pro peccato: in loco, ubi mactatur holocaustum, mactabitur coram Domino: sanctum sanctorum est. ²⁶ [6:19] Sacerdos, qui offert, comedet illud in loco sancto, in atrio tabernaculi conventus. ²⁷ [6:20] Quidquid tetigerit carnes eius, sanctificabitur: si de sanguine illius vestis fuerit aspersa, lavabitur in loco sancto; ²⁸ [6:21] vas autem fictile, in quo coctum est, confringetur; quod si vas aeneum fuerit, defricabitur et lavabitur aqua. ²⁹ [6:22] Omnis masculus de genere sacerdotali vescetur carnibus eius, quia sanctum sanctorum est. ³⁰ 30 But no sin offering shall be eaten of which any of the blood is brought into the Tent of Meeting to make atonement in the Holy Place; it shall be [wholly] burned with fire. Heb. 13:11-13.">[fn]