Read the Bible

¹ Erat autem rex Salomon regnans super omnem Israel. ² Et hi principes quos habebat: Azarias filius Sadoc sacerdos; ³ Elihoreph et Ahia filii Sisa scribae; Iosaphat filius Ahilud cancellarius; ⁴ Banaias filius Ioiadae super exercitum; Sadoc autem et Abiathar sacerdotes; ⁵ Azarias filius Nathan super praefectos; Zabud filius Nathan sacerdos amicus regis; ⁶ et Ahisar praepositus domus et Adoniram filius Abda super tributa. ⁷ Habebat autem Salomon duodecim praefectos super omnem Israel, qui praebebant annonam regi et domui eius; per singulos enim menses in anno singuli necessaria ministrabant. ⁸ Et haec nomina eorum: Benhur in monte Ephraim; ⁹ Bendecar in Maces et in Salebim et in Bethsames et in Elon et in Bethanan; ¹⁰ Benhesed in Aruboth, ipsius erat Socho et omnis terra Epher; ¹¹ Benabinadab, cuius omnis regio Dor, Tapheth filiam Salomonis habebat uxorem; ¹² Baana filius Ahilud regebat Thanach et Mageddo et universam Bethsan, quae est iuxta Sarthan subter Iezrahel, a Bethsan usque Abelmehula et usque ultra Iecmaam; ¹³ Bengaber in Ramoth Galaad habebat villas Iair filii Manasse in Galaad: ipse praeerat in omni regione Argob, quae est in Basan, sexaginta civitatibus magnis atque muratis, quae habebant seras aereas; ¹⁴ Ahinadab filius Addo praeerat in Mahanaim; ¹⁵ Achimaas in Nephthali, sed et ipse habebat Basemath filiam Salomonis in coniugio; ¹⁶ Baana filius Chusai in Aser et in Baloth; ¹⁷ Iosaphat filius Pharue in Issachar; ¹⁸ Semei filius Ela in Beniamin; ¹⁹ Gaber filius Uri in terra Galaad, in terra Sehon regis Amorraei et Og regis Basan, ut praefectus unus, qui erat in terra.

²⁰ Iuda et Israel innumerabiles, sicut arena maris in multitudine, comedentes et bibentes atque laetantes. ²¹ [5:1] Salomon autem erat in dicione sua habens omnia regna a Flu mine usque ad terram Philisthim et ad terminum Aegypti offerentium sibi munera et servientium ei cunctis diebus vitae eius. ²² [5:2] Erat autem cibus Salomonis per dies singulos triginta chori similae et sexaginta chori farinae, ²³ [5:3] decem boves pingues et viginti boves pascuales et centum oves, excepta venatione cervorum, caprearum atque bubalorum et avium altilium. ²⁴ [5:4] Ipse enim obtinebat omnem regionem, quae erat trans Flumen, a Thaphsa usque Gazam, et cunctos reges illarum regionum; et habebat pacem ex omni parte in circuitu. ²⁵ [5:5] Habitabatque Iuda et Israel absque timore ullo, unusquisque sub vite sua et sub ficu sua a Dan usque Bersabee cunctis diebus Salomonis. ²⁶ [5:6] Et habebat Salomon quattuor milia praesepia equorum currulium et duodecim milia equestres. ²⁷ [5:7] Et praebebant supradicti praefecti necessaria mensae regis Salomonis et convivarum eius cum ingenti cura, unusquisque in suo mense. ²⁸ [5:8] Hordeum quoque et paleas equorum et iumentorum deferebant in locum, ubi erat unicuique constitutum.

²⁹ [5:9] Dedit quoque Deus sapientiam Salomoni et prudentiam multam nimis et latitudinem cordis quasi arenam, quae est in litore maris. ³⁰ [5:10] Et praecedebat sapientia Salomonis sapientiam omnium Orientalium et Aegyptiorum; ³¹ [5:11] et erat sapientior cunctis hominibus, sapientior Ethan Ezrahita et Heman et Chalchol et Darda filiis Mahol et erat nominatus in universis gentibus per circuitum. ³² [5:12] Locutus est quoque Salomon tria milia parabolas, et fuerunt carmina eius quinque et mille. ³³ [5:13] Et disputavit super lignis, a cedro, quae est in Libano, usque ad hyssopum, quae egreditur de pariete; et disseruit de iumentis et volucribus et reptilibus et piscibus. ³⁴ [5:14] Et veniebant de cunctis populis ad audiendam sapientiam Salomonis, ab universis regibus terrae, qui audiebant sapientiam eius.