Read the Bible

¹ Domine Deus meus, in te speravi ; salvum me fac ex omnibus persequentibus me, et libera me,² nequando rapiat ut leo animam meam, dum non est qui redimat, neque qui salvum faciat.³ Domine Deus meus, si feci istud, si est iniquitas in manibus meis,⁴ si reddidi retribuentibus mihi mala, decidam merito ab inimicis meis inanis.⁵ Persequatur inimicus animam meam, et comprehendat ; et conculcet in terra vitam meam, et gloriam meam in pulverem deducat.

⁶ Exsurge, Domine, in ira tua ; et exaltare in finibus inimicorum meorum ; et exsurge, Domine Deus meus, in præcepto quod mandasti ;⁷ et synagoga populorum circumdabit te : et propter hanc in altum regredere.⁸ Dominus judicat populos. Judica me, Domine, secundum justitiam meam, et secundum innocentiam meam super me.⁹ Consumetur nequitia peccatorum ; et diriges justum, scrutans corda et renes, Deus.¹⁰ Justum adjutorium meum a Domino, qui salvos facit rectos corde.¹¹ Deus judex justus, fortis, et patiens ; numquid irascitur per singulos dies ?¹² Nisi conversi fueritis, gladium suum vibrabit ; arcum suum tetendit, et paravit illum.¹³ Et in eo paravit vasa mortis, sagittas suas ardentibus effecit.¹⁴ Ecce parturiit injustitiam ; concepit dolorem, et peperit iniquitatem.¹⁵ Lacum aperuit, et effodit eum ; et incidit in foveam quam fecit.¹⁶ Convertetur dolor ejus in caput ejus, et in verticem ipsius iniquitas ejus descendet.¹⁷ Confitebor Domino secundum justitiam ejus, et psallam nomini Domini altissimi.¹⁸ Veni, inebriemur uberibus, et fruamur cupitis amplexibus donec illucescat dies.¹⁹ Non est enim vir in domo sua : abiit via longissima ;²⁰ sacculum pecuniæ secum tulit ; in die plenæ lunæ reversurus est in domum suam.²¹ Irretivit eum multis sermonibus, et blanditiis labiorum protraxit illum.²² Statim eam sequitur quasi bos ductus ad victimam, et quasi agnus lasciviens ; et ignorans quod ad vincula stultus trahatur :²³ donec transfigat sagitta jecur ejus ; velut si avis festinet ad laqueum, et nescit quod de periculo animæ illius agitur.

²⁴ Nunc ergo, fili mi, audi me, et attende verbis oris mei.²⁵ Ne abstrahatur in viis illius mens tua, neque decipiaris semitis ejus ;²⁶ multos enim vulneratos dejecit, et fortissimi quique interfecti sunt ab ea.²⁷ Viæ inferi domus ejus, penetrantes in interiora mortis.