Read the Bible

¹ Ut quid, Domine, recessisti longe, despicis in opportunitatibus, in tribulatione ?

² Dum superbit impius, incenditur pauper : comprehenduntur in consiliis quibus cogitant.³ Quoniam laudatur peccator in desideriis animæ suæ, et iniquus benedicitur.

⁴ Exacerbavit Dominum peccator, secundum multitudinem iræ suæ, non quæret.

⁵ Non est Deus in conspectu ejus, inquinatæ sunt viæ illius in omni tempore. Auferuntur judicia tua a facie ejus ; omnium inimicorum suorum dominabitur.

⁶ Dixit enim in corde suo : Non movebor a generatione in generationem, sine malo.

⁷ Cujus maledictione os plenum est, et amaritudine, et dolo ; sub lingua ejus labor et dolor.

⁸ Sedet in insidiis cum divitibus in occultis, ut interficiat innocentem.

⁹ Oculi ejus in pauperem respiciunt ; insidiatur in abscondito, quasi leo in spelunca sua. Insidiatur ut rapiat pauperem ; rapere pauperem dum attrahit eum.

¹⁰ In laqueo suo humiliabit eum ; inclinabit se, et cadet cum dominatus fuerit pauperum.

¹¹ Dixit enim in corde suo : Oblitus est Deus ; avertit faciem suam, ne videat in finem.

¹² Exsurge, Domine Deus, exaltetur manus tua ; ne obliviscaris pauperum.

¹³ Propter quid irritavit impius Deum ? dixit enim in corde suo : Non requiret.

¹⁴ Vides, quoniam tu laborem et dolorem consideras, ut tradas eos in manus tuas. Tibi derelictus est pauper ; orphano tu eris adjutor.

¹⁵ Contere brachium peccatoris et maligni ; quæretur peccatum illius, et non invenietur.

¹⁶ Dominus regnabit in æternum, et in sæculum sæculi ; peribitis, gentes, de terra illius.

¹⁷ Desiderium pauperum exaudivit Dominus ; præparationem cordis eorum audivit auris tua,

¹⁸ judicare pupillo et humili, ut non apponat ultra magnificare se homo super terram.

¹⁹ In multiloquio non deerit peccatum, qui autem moderatur labia sua prudentissimus est.

²⁰ Argentum electum lingua justi ; cor autem impiorum pro nihilo.²¹ Labia justi erudiunt plurimos ; qui autem indocti sunt in cordis egestate morientur.

²² Benedictio Domini divites facit, nec sociabitur eis afflictio.

²³ Quasi per risum stultus operatur scelus, sapientia autem est viro prudentia.

²⁴ Quod timet impius veniet super eum ; desiderium suum justus dabitur.²⁵ Quasi tempestas transiens non erit impius ; justus autem quasi fundamentum sempiternum.

²⁶ Sicut acetum dentibus, et fumus oculis, sic piger his qui miserunt eum.

²⁷ Timor Domini apponet dies, et anni impiorum breviabuntur.²⁸ Exspectatio justorum lætitia, spes autem impiorum peribit.

²⁹ Fortitudo simplicis via Domini, et pavor his qui operantur malum.³⁰ Justus in æternum non commovebitur, impii autem non habitabunt super terram.

³¹ Os justi parturiet sapientiam ; lingua pravorum peribit.³² Labia justi considerant placita, et os impiorum perversa.