Read the Bible

¹ The title of the eiythe salm. To the ouercomere, for pressours, the salm of Dauid. Lord, thou art oure Lord; thi name is ful wonderful in al erthe. For thi greet doyng is reisid, aboue heuenes.² Of the mouth of yonge children, not spekynge and soukynge mylk, thou madist perfitli heriyng, for thin enemyes; that thou destrie the enemy and avengere.

³ For Y schal se thin heuenes, the werkis of thi fyngris; the moone and sterris, whiche thou hast foundid.⁴ What is a man, that thou art myndeful of hym; ethir the sone of a virgyn, for thou visitist hym?⁵ Thou hast maad hym a litil lesse than aungels; thou hast corouned hym with glorie and onour,⁶ and hast ordeyned hym aboue the werkis of thin hondis.⁷ Thou hast maad suget alle thingis vndur hise feet; alle scheep and oxis, ferthermore and the beestis of the feeld;⁸ the briddis of the eir, and the fischis of the see; that passen bi the pathis of the see.⁹ Lord, `thou art oure Lord; thi name `is wondurful in al erthe.