Read the Bible

¹ Canticum ascensionum. Saepe expugnaverunt me a iuventute mea, dicat nunc Israel, ² saepe expugnaverunt me a iuventute mea, etenim non potuerunt adversum me. ³ Supra dorsum meum araverunt aratores, prolongaverunt sulcos suos. ⁴ Dominus autem iustus concidit cervices peccatorum.

⁵ Confundantur et convertantur retrorsum omnes, qui oderunt Sion. ⁶ Fiant sicut fenum tectorum, quod, priusquam evellatur, exaruit; ⁷ de quo non implevit manum suam, qui metit, et sinum suum, qui manipulos colligit. ⁸ Et non dixerunt, qui praeteribant: "Benedictio Domini super vos, benedicimus vobis in nomine Domini".