Read the Bible

¹ Postquam autem aedificatus est murus, et posui valvas et recen sui ianitores et cantores et Levitas, ² praeposui Hanani fratrem meum et Hananiam principem arcis supra Ierusalem ipse enim quasi vir verax et timens Deum plus ceteris videbatur ³ et dixi eis: "Non aperiantur portae Ierusalem usque ad calorem solis. Dum adhuc calor permanet, claudantur portae et oppilentur; et ponant custodes de habitatoribus Ierusalem, singulos per vices suas et unumquemque contra domum suam". ⁴ Civitas autem erat lata nimis et grandis, et populus parvus in medio eius, et non erant domus aedificatae.

⁵ Deus autem meus dedit in corde meo, et congregavi optimates et magistratus et vulgus, ut recenserem eos; et inveni librum census eorum, qui ascenderant primum, et inventum est scriptum in eo: ⁶ Isti filii provinciae, qui ascenderunt de captivitate migrantium, quos transtulerat Nabuchodonosor rex Babylonis, et reversi sunt in Ierusalem et in Iudaeam unusquisque in civitatem suam. ⁷ Qui venerunt cum Zorobabel, Iesua, Nehemias, Azarias, Raamias, Nahamani, Mardochaeus, Belsan, Mespharath, Beguai, Nahum, Baana. Numerus virorum populi Israel: ⁸ filii Pharos duo milia centum septuaginta duo; ⁹ filii Saphatia trecenti septuaginta duo; ¹⁰ filii Area sescenti quinquaginta duo; ¹¹ filii Phahathmoab, hi sunt filii Iesua et Ioab, duo milia octingenti decem et octo; ¹² filii Elam mille ducenti quinquaginta quattuor; ¹³ filii Zethua octingenti quadraginta quinque; ¹⁴ filii Zachai septingenti sexaginta; ¹⁵ filii Bennui sescenti quadraginta octo; ¹⁶ filii Bebai sescenti viginti octo; ¹⁷ filii Azgad duo milia trecenti viginti duo; ¹⁸ filii Adonicam sescenti sexaginta septem; ¹⁹ filii Beguai duo milia sexaginta septem; ²⁰ filii Adin sescenti quinquaginta quinque; ²¹ filii Ater, qui erant ex Ezechia, nonaginta octo; ²² filii Hasum trecenti viginti octo; ²³ filii Besai trecenti viginti quattuor; ²⁴ filii Hareph centum duodecim; ²⁵ filii Gabaon nonaginta quinque; ²⁶ filii Bethlehem et Netopha centum octoginta octo; ²⁷ viri Anathoth centum viginti octo; ²⁸ viri Bethazmaveth quadraginta duo; ²⁹ viri Cariathiarim, Cephira et Beroth septingenti quadraginta tres; ³⁰ viri Rama et Gabaa sescenti viginti unus; ³¹ viri Machmas centum viginti duo; ³² viri Bethel et Hai centum viginti tres; ³³ viri Nabo alterius quinquaginta duo; ³⁴ viri Elam alterius mille ducenti quinquaginta quattuor; ³⁵ filii Harim trecenti viginti; ³⁶ filii Iericho trecenti quadraginta quinque; ³⁷ filii Lod, Hadid et Ono septingenti viginti unus; ³⁸ filii Senaa tria milia nongenti triginta. ³⁹ Sacerdotes: filii Iedaia de domo Iesua nongenti septuaginta tres; ⁴⁰ filii Emmer mille quinquaginta duo; ⁴¹ filii Phassur mille ducenti quadraginta septem; ⁴² filii Harim mille decem et septem. ⁴³ Levitae: filii Iesua, hi sunt filii Cadmihel, Bennui et Odoviae, septuaginta quattuor. ⁴⁴ Cantores: filii Asaph centum quadraginta octo. ⁴⁵ Ianitores: filii Sellum, filii Ater, filii Telmon, filii Accub, filii Hatita, filii Sobai, centum triginta octo. ⁴⁶ Oblati: filii Siha, filii Hasupha, filii Tabbaoth, ⁴⁷ filii Ceros, filii Siaa, filii Phadon, ⁴⁸ filii Lebana, filii Hagaba, filii Selmai, ⁴⁹ filii Hanan, filii Giddel, filii Gaher, ⁵⁰ filii Raaia, filii Rasin, filii Necoda, ⁵¹ filii Gazam, filii Oza, filii Phasea, ⁵² filii Besai, filii Meunitarum, filii Nephusorum, ⁵³ filii Bacbuc, filii Hacupha, filii Harhur, ⁵⁴ filii Basluth, filii Mahida, filii Harsa, ⁵⁵ filii Bercos, filii Sisara, filii Thema, ⁵⁶ filii Nasia, filii Hatipha. ⁵⁷ Filii servorum Salomonis: filii Sotai, filii Sophereth, filii Pheruda, ⁵⁸ filii Iaala, filii Darcon, filii Giddel, ⁵⁹ filii Saphatia, filii Hatil, filii Phochereth Hassebaim, filii Amon. ⁶⁰ Omnes oblati et filii servorum Salomonis trecenti nonaginta duo. ⁶¹ Hi sunt autem, qui ascenderunt de Thelmela, Thelharsa, Cherub, Addon et Emmer et non potuerunt indicare domum patrum suorum et semen suum, utrum ex Israel essent: ⁶² filii Dalaia, filii Thobia, filii Necoda sescenti quadraginta duo. ⁶³ Et de sacerdotibus: filii Hobia, filii Accos, filii Berzellai, qui accepit de filiabus Berzellai Galaaditis uxorem et vocatus est nomine eorum. ⁶⁴ Hi quaesierunt tabulas genealogiae suae et non invenerunt; et eiecti sunt de sacerdotio; ⁶⁵ dixitque praepositus eis, ut non manducarent de sanctificatis sanctuarii, donec staret sacerdos pro Urim et Tummim. ⁶⁶ Omnis multitudo simul quadraginta duo milia trecenti sexaginta, ⁶⁷ absque servis et ancillis eorum, qui erant septem milia trecenti triginta septem; insuper et cantores et cantatrices ducenti quadraginta quinque. ⁶⁸ Equi eorum septingenti triginta sex, muli eorum ducenti quadraginta quinque, ⁶⁹ cameli eorum quadringenti triginta quinque, asini sex milia septingenti viginti. ⁷⁰ Nonnulli autem de principibus familiarum dederunt in opus: praepositus dedit in thesaurum auri drachmas mille, phialas quinquaginta, tunicas sacerdotales quingentas triginta; ⁷¹ et de principibus familiarum dederunt in thesaurum operis auri drachmas viginti milia et argenti minas duo milia ducentas. ⁷² Et quod dedit reliquus populus, auri drachmas viginti milia et argenti minas duo milia et tunicas sacerdotales sexaginta septem. Habitaverunt autem ibi sacerdotes et Levitae; ianitores autem et cantores et quidam de populo et oblati et omnis Israel habitaverunt in civitatibus suis. ⁷³ [7:72b] Et venerat mensis septimus; filii autem Israel erant in civitatibus suis.