Read the Bible

¹ Sors tribus filiorum Iudae per cognationes suas ista fuit: usque ad terminum Edom, ad desertum Sin contra Nageb, usque ad extremam partem australis plagae. ² Terminus eius meridionalis a summitate maris Salsissimi et a lingua eius, quae respicit meridiem. ³ Egrediturque contra ascensum Acrabbim et pertransit in Sin ascenditque in meridie Cadesbarne et pervenit in Esron ascendens ad Addar et vertitur in Carca; ⁴ atque inde pertransiens in Asemona pervenit ad torrentem Aegypti; eruntque exitus eius ad mare Magnum: hic erit vobis finis meridianae plagae. ⁵ Ab oriente vero terminus erit mare Salsissimum usque ad extrema Iordanis. Terminus aquilonis a lingua maris et ab extremis Iordanis ⁶ ascendit in Bethagla et transit ab aquilone Betharaba ascendens ad lapidem Boen filii Ruben ⁷ et ascendens ad Dabir de valle Achor et contra aquilonem vergens ad Galiloth (hi sunt circuli), qui sunt ex adverso ascensionis Adommim, quae est ab australi parte torrentis, transit ad aquas, quae vocantur fons Solis, et erunt exitus eius ad fontem Rogel. ⁸ Ascenditque per convallem Benennom ex latere Iebusaei ad meridiem haec est Ierusalem et inde se erigens ad verticem montis, qui est contra vallem Ennom ad occidentem in extrema parte vallis Raphaim contra aquilonem; ⁹ pertransitque a vertice montis usque ad fontem aquae Nephtoa et pervenit usque ad vicos montis Ephron inclinaturque in Baala, quae est Cariathiarim. ¹⁰ Et vergit de Baala contra occidentem usque ad montem Seir transitque iuxta latus montis Iarim ad aquilonem id est Cheslon et descendit in Bethsames transitque in Thamna ¹¹ et pervenit ad latus septentrionale Accaron inclinaturque in Sechron et transit montem Baala pervenitque in Iebneel et finitur mari. Terminus occidentalis est mare Magnum. ¹² Hi sunt termini filiorum Iudae per circuitum in cognationibus suis.

¹³ Chaleb vero filio Iephonne dedit partem in medio filiorum Iudae, sicut praeceperat Dominus Iosue: Cariatharbe (id est civitas Arbe), patris Enac, ipsa est Hebron. ¹⁴ Delevitque ex ea Chaleb tres filios Enac: Sesai et Ahiman et Tholmai de stirpe Enac. ¹⁵ Atque inde conscendens venit ad habitatores Dabir, quae prius vocabatur Cariathsepher (id est civitas Litterarum). ¹⁶ Dixitque Chaleb: "Qui percusserit Cariathsepher et ceperit eam, dabo illi Axam filiam meam uxorem". ¹⁷ Cepitque eam Othoniel filius Cenez frater Chaleb, deditque ei Axam filiam suam uxorem. ¹⁸ Quae cum veniret, suasit viro suo, ut peteret a patre suo agrum; descenditque de asino. Cui Chaleb: "Quid habes?", inquit. ¹⁹ At illa respondit: "Da mihi benedictionem. Terram Nageb arentem dedisti mihi; iunge et irriguam". Dedit itaque ei Chaleb irriguum superius et inferius.

²⁰ Haec est possessio tribus filiorum Iudae per cognationes suas.

²¹ Erantque civitates ab extremis partibus filiorum Iudae iuxta terminos Edom in Nageb: Cabseel et Eder et Iagur

³³ In campestribus vero: Esthaol et Saraa et Asena ³⁴ et Zanoa et Engannim, Thapphua et Enaim, ³⁵ Ierimoth et Odollam, Socho et Azeca ³⁶ et Saarim et Adithaim et Gedera et Gederothaim: urbes quattuordecim et villae earum.

³⁷ Sanan et Hadasa et Magdalgad ³⁸ et Delean et Maspha et Iecethel, ³⁹ Lachis et Bascath et Eglon ⁴⁰ et Chebbon et Lehemas et Cethlis ⁴¹ et Gederoth, Bethdagon et Naama et Maceda: civitates sedecim et villae earum.

⁴² Lobna et Ether et Asan ⁴³ et Iephtha et Esna et Nesib ⁴⁴ et Ceila et Achzib et Maresa: civitates novem et villae earum.

⁴⁵ Accaron cum filiabus et villulis suis; ⁴⁶ ab Accaron usque ad mare: omnia, quae sunt ad latus Azoti, et viculos eorum,

⁴⁷ Azotus cum filiabus et villulis suis, Gaza cum filiabus et villulis suis usque ad torrentem Aegypti, et mare Magnum terminus.

⁴⁸ Et in monte: Samir et Iether et Socho ⁴⁹ et Danna et Cariathsenna haec est Dabir ⁵⁰ et Anab et Esthemo et Anim ⁵¹ et Gosen et Helon et Gilo: civitates undecim et villae earum.

⁵² Arab et Duma et Esaan ⁵³ et Ianum et Beththapphua et Apheca ⁵⁴ et Ammatha et Cariatharbe haec est Hebron et Sior: civitates novem et villae earum.

⁵⁵ Maon et Carmel et Ziph et Iutta ⁵⁶ et Iezrahel et Iucadam et Zanoa, ⁵⁷ Accain, Gabaa et Thamna: civitates decem et villae earum.

⁵⁸ Halhul, Bethsur et Gedor ⁵⁹ et Mareth et Bethanoth et Eltecon: civitates sex et villae earum. Thecue et Ephratha haec est Bethlehem et Phegor et Etam et Culon et Tatam et Sores et Carem et Gallim et Bether et Manahath: civitates undecim et villae earum.

⁶⁰ Cariathbaal haec est Cariathiarim (urbs Silvarum) et Arebba: civitates duae et villae earum.

⁶¹ In deserto: Betharaba, Meddin et Sachacha ⁶² et Nebsan et civitas Salis et Engaddi: civitates sex et villae earum.

⁶³ Iebusaeum autem habitatorem Ierusalem non potuerunt filii Iudae delere; habitavitque Iebusaeus cum filiis Iudae in Ierusalem usque in praesentem diem.