Read the Bible

¹ [2:2] Et oravit Ionas ad Dominum Deum suum de ventre piscis ² [2:3] et dixit: "Clamavi de tribulatione mea ad Dominum, et respondit mihi; de ventre inferi clamavi, et exaudisti vocem meam. ³ [2:4] Et proiecisti me in profundum in corde maris, et flumen circumdedit me; omnes gurgites tui et fluctus tui super me transierunt. ⁴ [2:5] Et ego dixi: "Abiectus sum a conspectu oculorum tuorum; verumtamen rursus videbo templum sanctum tuum". ⁵ [2:6] Circumdederunt me aquae usque ad guttur, abyssus vallavit me, iuncus alligatus est capiti meo. ⁶ [2:7] Ad extrema montium descendi, terrae vectes concluserunt me in aeternum, sed eduxisti de fovea vitam meam, Domine Deus meus. ⁷ [2:8] Cum angustiaretur in me anima mea, Domini recordatus sum, et venit ad te oratio mea, ad templum sanctum tuum. ⁸ [2:9] Qui colunt idola vana, pietatem suam derelinquunt; ⁹ [2:10] ego autem in voce laudis immolabo tibi, quaecumque vovi, reddam; salus Domini est".

¹⁰ [2:11] Et dixit Dominus pisci, et evomuit Ionam in aridam.