Read the Bible

⁶ [64:5] Et facti sumus ut immundus omnes nos, et quasi pannus inquinatus universae iustitiae nostrae; et marcuimus quasi folium universi, et iniquitates nostrae quasi ventus abstulerunt nos. ⁷ [64:6] Non est qui invocet nomen tuum, qui consurgat et adhaereat tibi, quia abscondisti faciem tuam a nobis et dissolvisti nos in manu iniquitatis nostrae. ⁸ [64:7] Et nunc, Domine, pater noster es tu, nos vero lutum; et fictor noster tu, et opera manuum tuarum omnes nos. ⁹ [64:8] Ne irascaris, Domine, nimis et ne ultra memineris iniquitatis; ecce, respice: populus tuus omnes nos. ¹⁰ [64:9] Urbes sanctitatis tuae factae sunt in desertum, Sion deserta facta est, Ierusalem desolata est. ¹¹ [64:10] Domus sanctitatis nostrae et gloriae nostrae, ubi laudaverunt te patres nostri, facta est in exustionem ignis, et omnia desiderabilia nostra versa sunt in ruinas. ¹² [64:11] Numquid super his continebis te, Domine, tacebis et affliges nos vehementer?