Read the Bible

¹ Hae sunt generationes filio rum Noe, Sem, Cham et Ia pheth; natique sunt eis filii post diluvium. ² Filii Iapheth: Gomer et Magog et Madai et Iavan et Thubal et Mosoch et Thiras. ³ Porro filii Gomer: Aschenez et Riphath et Thogorma. ⁴ Filii autem Iavan: Elisa et Tharsis, Cetthim et Rodanim. ⁵ Ab his divisae sunt insulae gentium in regionibus suis, unusquisque secundum linguam suam et familias suas in nationibus suis.

⁶ Filii autem Cham: Chus et Mesraim et Phut et Chanaan. ⁷ Filii Chus: Saba et Hevila et Sabatha et Regma et Sabathacha. Filii Regma: Saba et Dedan. ⁸ Porro Chus genuit Nemrod: ipse coepit esse potens in terra ⁹ et erat robustus venator coram Domino. Ob hoc exivit proverbium: "Quasi Nemrod robustus venator coram Domino". ¹⁰ Fuit autem principium regni eius Babylon et Arach et Achad et Chalanne in terra Sennaar. ¹¹ De terra illa egressus est in Assyriam et aedificavit Nineven et Rohobothir et Chale, ¹² Resen quoque inter Nineven et Chale; haec est civitas magna. ¹³ At vero Mesraim genuit Ludim et Anamim et Laabim, Nephthuim ¹⁴ et Phetrusim et Chasluim et Caphtorim, de quibus egressi sunt Philisthim.

¹⁵ Chanaan autem genuit Sidonem primogenitum suum, Hetthaeum ¹⁶ et Iebusaeum et Amorraeum, Gergesaeum, ¹⁷ Hevaeum et Aracaeum, Sinaeum ¹⁸ et Aradium, Samaraeum et Emathaeum; et post haec disseminati sunt populi Chananaeorum. ¹⁹ Factique sunt termini Chanaan venientibus a Sidone Geraram usque Gazam, donec ingrediaris Sodomam et Gomorram et Adamam et Seboim usque Lesa. ²⁰ Hi sunt filii Cham in cognationibus et linguis terrisque et gentibus suis.

²¹ De Sem quoque nati sunt, patre omnium filiorum Heber, fratre Iapheth maiore. ²² Filii Sem: Elam et Assur et Arphaxad et Lud et Aram. ²³ Filii Aram: Us et Hul et Gether et Mes. ²⁴ At vero Arphaxad genuit Sala, de quo ortus est Heber. ²⁵ Natique sunt Heber filii duo: nomen uni Phaleg, eo quod in diebus eius divisa sit terra, et nomen fratris eius Iectan. ²⁶ Qui Iectan genuit Elmodad et Saleph et Asarmoth, Iare ²⁷ et Adoram et Uzal et Decla ²⁸ et Ebal et Abimael, Saba ²⁹ et Ophir et Hevila et Iobab. Omnes isti filii Iectan; ³⁰ et facta est habitatio eorum de Messa pergentibus usque Sephar montem orientalem. ³¹ Isti filii Sem secundum cognationes et linguas et regiones in gentibus suis. ³² Hae familiae filiorum Noe iuxta generationes et nationes suas. Ab his divisae sunt gentes in terra post diluvium.