Read the Bible

¹ [5:27] Filii Levi: Gerson, Caath, Merari. ² [5:28] Filii Caath: Amram, Isaar, Hebron et Oziel. ³ [5:29] Filii Amram: Aaron, Moyses et Maria. Filii Aaron: Nadab et Abiu, Eleazar et Ithamar. ⁴ [5:30] Eleazar genuit Phinees, et Phinees genuit Abisue; ⁵ [5:31] Abisue vero genuit Bocci, et Bocci genuit Ozi. ⁶ [5:32] Ozi genuit Zaraiam, et Zaraias genuit Meraioth, ⁷ [5:33] porro Meraioth genuit Amariam, et Amarias genuit Achitob; ⁸ [5:34] Achitob genuit Sadoc, Sadoc genuit Achimaas, ⁹ [5:35] Achimaas genuit Azariam, Azarias genuit Iohanan; ¹⁰ [5:36] Iohanan genuit Azariam: ipse est qui sacerdotio functus est in domo, quam aedificavit Salomon in Ierusalem. ¹¹ [5:37] Genuit autem Azarias Amariam, et Amarias genuit Achitob, ¹² [5:38] Achitob genuit Sadoc, et Sadoc genuit Sellum; ¹³ [5:39] Sellum genuit Helciam, et Helcias genuit Azariam. ¹⁴ [5:40] Azarias genuit Saraiam, et Saraias genuit Iosedec; ¹⁵ [5:41] porro Iosedec egressus est, quando transtulit Dominus Iudam et Ierusalem per manus Nabuchodonosor. ¹⁶ [6:01] Filii ergo Levi: Gerson, Caath et Merari. ¹⁷ [6:02] Et haec nomina filio rum Gerson: Lobni et Semei. ¹⁸ [6:03] Filii Caath: Amram et Isaar et Hebron et Oziel. ¹⁹ [6:04] Filii Merari: Moholi et Musi. Hae autem cognationes Levi secundum familias eorum: ²⁰ [6:05] Gerson, Lobni filius eius, Iahath filius eius, Zimma filius eius, ²¹ [6:06] Ioah filius eius, Addo filius eius, Zara filius eius, Iethrai filius eius. ²² [6:07] Filii Caath: Aminadab filius eius, Core filius eius, Asir filius eius, ²³ [6:08] Elcana filius eius, Abiasaph filius eius, Asir filius eius, ²⁴ [6:09] Thahath filius eius, Uriel filius eius, Ozias filius eius, Saul filius eius. ²⁵ [6:10] Filii Elcana: Amasai et Achimoth, ²⁶ [6:11] Elcana filius eius, Sophai filius eius, Nahath filius eius, ²⁷ [6:12] Eliab filius eius, Ieroham filius eius, Elcana filius eius, Samuel filius eius. ²⁸ [6:13] Filii Samuel: primogenitus Ioel et secundus Abia. ²⁹ [6:14] Filii autem Merari: Moholi, Lobni filius eius, Semei filius eius, Oza filius eius, ³⁰ [6:15] Samaa filius eius, Haggia filius eius, Asaia filius eius.

³¹ [6:16] Isti sunt, quos constituit David super cantum domus Domini, ex quo collocata est arca; ³² [6:17] et ministrabant coram habitatione tabernaculi conventus canentes, donec aedificaret Salomon domum Domini in Ierusalem; stabant autem iuxta ordinem suum in ministerio. ³³ [6:18] Hi vero sunt, qui assistebant cum filiis suis. De filiis Caath: Heman cantor filius Ioel filii Samuel ³⁴ [6:19] filii Elcana filii Ieroham filii Eliel filii Thohu ³⁵ [2:60] filii Suph filii Elcana filii Mahath filii Amasai ³⁶ [2:61] filii Elcana filii Ioel filii Azariae filii Sophoniae ³⁷ [2:62] filii Thahath filii Asir filii Abiasaph filii Core ³⁸ [2:63] filii Isaar filii Caath filii Levi filii Israel. ³⁹ [2:64] Et frater eius Asaph, qui stabat a dextris eius, Asaph filius Barachiae filii Samaa ⁴⁰ [6:65] filii Michael filii Basaiae filii Melchiae ⁴¹ [6:26] filii Athnai filii Zara filii Adaia ⁴² [6:27] filii Ethan filii Zimma filii Semei ⁴³ [6:28] filii Iahath filii Gerson filii Levi. ⁴⁴ [6:29] Filii autem Merari fratres eorum ad sinistram: Ethan filius Cusi filii Abdi filii Melluch ⁴⁵ [6:30] filii Hasabiae filii Amasiae filii Helciae ⁴⁶ [6:31] filii Amsi filii Bani filii Somer ⁴⁷ [6:32] filii Moholi filii Musi filii Merari filii Levi. ⁴⁸ [6:33] Fratres quoque eorum Levitae, qui ordinati sunt in cunctum ministerium habitaculi domus Domini; ⁴⁹ [6:34] Aaron vero et filii eius adolebant super altare holocausti et super altare thymiamatis in omne opus sancti sanctorum, et ut expiarent pro Israel, iuxta omnia quae praecepit Moyses servus Dei. ⁵⁰ [6:35] Hi sunt autem filii Aaron: Eleazar filius eius, Phinees filius eius, Abisue filius eius, ⁵¹ [6:36] Bocci filius eius, Ozi filius eius, Zaraia filius eius, ⁵² [6:37] Meraioth filius eius, Amarias filius eius, Achitob filius eius, ⁵³ [6:38] Sadoc filius eius, Achimaas filius eius.

⁵⁴ [6:39] Et haec habitacula eorum per castra atque confinia, filiorum scilicet Aaron ex cognatione Caathitarum; ipsis enim sorte contigerat. ⁵⁵ [6:40] Dederunt igitur eis Hebron in terra Iudae et suburbana eius per circuitum; ⁵⁶ [6:41] agros autem civitatis et villas Chaleb filio Iephonne. ⁵⁷ [6:42] Porro filiis Aaron dederunt civitatem ad confugiendum: Hebron et Lobna et suburbana eius, ⁵⁸ [6:43] Iether quoque et Esthemo cum suburbanis eius, sed et Helon et Dabir cum suburbanis suis, ⁵⁹ [6:44] Asan quoque et Iutta et Bethsames et suburbana earum; ⁶⁰ [6:45] de tribu autem Beniamin: Gabaon et Gabaa et suburbana earum et Almath cum suburbanis suis, Anathoth quoque cum suburbanis suis: omnes civitates tredecim, singulae per cognationes suas. ⁶¹ [6:46] Filiis autem Caath residuis de cognatione sua dederunt ex tribu Ephraim et ex tribu Dan et ex dimidia tribu Manasse in possessionem urbes decem. ⁶² [6:47] Porro filiis Gerson per cognationes suas de tribu Issachar et de tribu Aser et de tribu Nephthali et de tribu Manasse in Basan urbes tredecim. ⁶³ [6:48] Filiis autem Merari per cognationes suas de tribu Ruben et de tribu Gad et de tribu Zabulon dederunt sorte civitates duodecim. ⁶⁴ [6:49] Dederunt quoque filii Israel Levitis civitates et suburbana earum; ⁶⁵ [6:50] dederuntque per sortem ex tribu filiorum Iudae et ex tribu filiorum Simeon et ex tribu filiorum Beniamin urbes has, quas vocaverunt nominibus suis. ⁶⁶ [6:51] Et his, qui erant ex cognationibus filiorum Caath, fuerunt civitates in terminis eorum de tribu Ephraim. ⁶⁷ [6:52] Dederunt ergo eis urbem ad confugiendum: Sichem cum suburbanis suis in monte Ephraim et Gazer cum suburbanis suis, ⁶⁸ [6:53] Iecmaam quoque cum suburbanis suis et Bethoron similiter; ⁶⁹ [6:54] necnon et Aialon cum suburbanis suis et Gethremmon in eundem modum. ⁷⁰ [6:55] Porro ex dimidia tribu Manasse Thanach et suburbana eius, Ieblaam et suburbana eius, his videlicet qui de cognationibus filiorum Caath reliqui erant. ⁷¹ [6:56] Filiis autem Gerson de cognationibus dimidiae tribus Manasse: Golan in Basan et suburbana eius et Astharoth cum suburbanis suis. ⁷² [6:57] De tribu Issachar Cedes et suburbana illius et Dabereth cum suburbanis suis, ⁷³ [6:58] Ramoth quoque et suburbana illius et Anem cum suburbanis suis. ⁷⁴ [6:59] De tribu vero Aser: Masal cum suburbanis suis et Abdon similiter, ⁷⁵ [6:60] Hucoc quoque et suburbana eius et Rohob cum suburbanis suis. ⁷⁶ [6:61] Porro de tribu Nephthali: Cedes in Galilaea et suburbana eius, Hamon cum suburbanis suis et Cariathaim et suburbana eius. ⁷⁷ [6:62] Filiis autem Merari residuis de tribu Zabulon: Remmon et suburbana eius et Thabor cum suburbanis suis. ⁷⁸ [6:63] Trans Iordanem quoque ex adverso Iericho, contra orientem Iordanis de tribu Ruben: Bosor in solitudine cum suburbanis suis et Iasa cum suburbanis suis, ⁷⁹ [6:64] Cademoth quoque et suburbana eius et Mephaath cum suburbanis suis. ⁸⁰ [6:65] Necnon et de tribu Gad: Ramoth in Galaad et suburbana eius et Mahanaim cum suburbanis suis, ⁸¹ [6:66] sed et Hesebon cum suburbanis eius, et Iazer cum suburbanis suis.