Read the Bible

¹ Respondens autem Job, dixit :² Audivi frequenter talia : consolatores onerosi omnes vos estis.³ Numquid habebunt finem verba ventosa ? aut aliquid tibi molestum est, si loquaris ?⁴ Consolarer et ego vos sermonibus, et moverem caput meum super vos.⁵ Roborarem vos ore meo, et moverem labia mea, quasi parcens vobis.⁶ Sed quid agam ? Si locutus fuero, non quiescet dolor meus, et si tacuero, non recedet a me.⁷ Nunc autem oppressit me dolor meus, et in nihilum redacti sunt omnes artus mei.

⁸ Rugæ meæ testimonium dicunt contra me, et suscitatur falsiloquus adversus faciem meam, contradicens mihi.⁹ Collegit furorem suum in me, et comminans mihi, infremuit contra me dentibus suis : hostis meus terribilibus oculis me intuitus est.¹⁰ Aperuerunt super me ora sua, et exprobrantes percusserunt maxillam meam : saciati sunt pÅ“nis meis.¹¹ Conclusit me Deus apud iniquum, et manibus impiorum me tradidit.