Read the Bible

¹ Verba mea auribus percipe, Domine ; intellige clamorem meum.² Intende voci orationis meæ, rex meus et Deus meus.³ Quoniam ad te orabo, Domine, mane exaudies vocem meam.⁴ Mane astabo tibi, et videbo quoniam non Deus volens iniquitatem tu es.⁵ Neque habitabit juxta te malignus, neque permanebunt injusti ante oculos tuos.⁶ Odisti omnes qui operantur iniquitatem ; perdes omnes qui loquuntur mendacium. Virum sanguinum et dolosum abominabitur Dominus.⁷ Ego autem in multitudine misericordiæ tuæ introibo in domum tuam ; adorabo ad templum sanctum tuum in timore tuo.⁸ Domine, deduc me in justitia tua : propter inimicos meos dirige in conspectu tuo viam meam.⁹ Quoniam non est in ore eorum veritas ; cor eorum vanum est.¹⁰ Sepulchrum patens est guttur eorum ; linguis suis dolose agebant, judica illos, Deus. Decidant a cogitationibus suis ; secundum multitudinem impietatum eorum expelle eos, quoniam irritaverunt te, Domine.¹¹ Et lætentur omnes qui sperant in te ; in æternum exsultabunt, et habitabis in eis. Et gloriabuntur in te omnes qui diligunt nomen tuum,¹² quoniam tu benedices justo. Domine, ut scuto bonæ voluntatis tuæ coronasti nos.¹³ nec audivi vocem docentium me, et magistris non inclinavi aurem meam ?¹⁴ pene fui in omni malo, in medio ecclesiæ et synagogæ.

¹⁵ Bibe aquam de cisterna tua, et fluenta putei tui ;¹⁶ deriventur fontes tui foras, et in plateis aquas tuas divide.¹⁷ Habeto eas solus, nec sint alieni participes tui.¹⁸ Sit vena tua benedicta, et lætare cum muliere adolescentiæ tuæ.¹⁹ Cerva carissima, et gratissimus hinnulus : ubera ejus inebrient te in omni tempore, in amore ejus delectare jugiter.²⁰ Quare seduceris, fili mi, ab aliena, et foveris in sinu alterius ?²¹ Respicit Dominus vias hominis, et omnes gressus ejus considerat.²² Iniquitates suas capiunt impium, et funibus peccatorum suorum constringitur.²³ Ipse morietur, quia non habuit disciplinam, et in multitudine stultitiæ suæ decipietur.