Read the Bible

¹ In te, Domine, speravi ; non confundar in æternum ; in justitia tua libera me.² Inclina ad me aurem tuam ; accelera ut eruas me. Esto mihi in Deum protectorem, et in domum refugii, ut salvum me facias :³ quoniam fortitudo mea et refugium meum es tu ; et propter nomen tuum deduces me et enutries me.⁴ Educes me de laqueo hoc quem absconderunt mihi, quoniam tu es protector meus.⁵ In manus tuas commendo spiritum meum ; redemisti me, Domine Deus veritatis.⁶ Odisti observantes vanitates supervacue ; ego autem in Domino speravi.⁷ Exsultabo, et lætabor in misericordia tua, quoniam respexisti humilitatem meam ; salvasti de necessitatibus animam meam.⁸ Nec conclusisti me in manibus inimici ; statuisti in loco spatioso pedes meos.⁹ Miserere mei, Domine, quoniam tribulor ; conturbatus est in ira oculus meus, anima mea, et venter meus.

¹⁰ Quoniam defecit in dolore vita mea, et anni mei in gemitibus. Infirmata est in paupertate virtus mea ; et ossa mea conturbata sunt.¹¹ Super omnes inimicos meos factus sum opprobrium, et vicinis meis valde, et timor notis meis ; qui videbant me foras fugerunt a me.¹² Oblivioni datus sum, tamquam mortuus a corde. Factus sum tamquam vas perditum ;¹³ quoniam audivi vituperationem multorum commorantium in circuitu. In eo dum convenirent simul adversum me, accipere animam meam consiliati sunt.¹⁴ Ego autem in te speravi, Domine ; dixi : Deus meus es tu ;¹⁵ in manibus tuis sortes meæ : eripe me de manu inimicorum meorum, et a persequentibus me.¹⁶ Illustra faciem tuam super servum tuum ; salvum me fac in misericordia tua.¹⁷ Domine, non confundar, quoniam invocavi te. Erubescant impii, et deducantur in infernum ;¹⁸ muta fiant labia dolosa, quæ loquuntur adversus justum iniquitatem, in superbia, et in abusione.¹⁹ Quam magna multitudo dulcedinis tuæ, Domine, quam abscondisti timentibus te ! Perfecisti eis qui sperant in te, in conspectu filiorum hominum.²⁰ Abscondes eos in abscondito faciei tuæ, a conturbatione hominum ; proteges eos in tabernaculo tuo, a contradictione linguarum.²¹ Benedictus Dominus, quoniam mirificavit misericordiam suam mihi in civitate munita.²² Ego autem dixi in excessu mentis meæ : Projectus sum a facie oculorum tuorum : ideo exaudisti vocem orationis meæ, dum clamarem ad te.²³ Diligite Dominum, omnes sancti ejus, quoniam veritatem requiret Dominus, et retribuet abundanter facientibus superbiam.²⁴ Viriliter agite, et confortetur cor vestrum, omnes qui speratis in Domino.²⁵ Fortitudo et decor indumentum ejus, et ridebit in die novissimo.²⁶ Os suum aperuit sapientiæ, et lex clementiæ in lingua ejus.²⁷ Consideravit semitas domus suæ, et panem otiosa non comedit.²⁸ Surrexerunt filii ejus, et beatissimam prædicaverunt ; vir ejus, et laudavit eam.²⁹ Multæ filiæ congregaverunt divitias ; tu supergressa es universas.³⁰ Fallax gratia, et vana est pulchritudo : mulier timens Dominum, ipsa laudabitur.³¹ Date ei de fructu manuum suarum, et laudent eam in portis opera ejus.