Read the Bible

¹ Salvum me fac, Domine, quoniam defecit sanctus, quoniam diminutæ sunt veritates a filiis hominum.

² Vana locuti sunt unusquisque ad proximum suum ; labia dolosa, in corde et corde locuti sunt.

³ Disperdat Dominus universa labia dolosa, et linguam magniloquam.

⁴ Qui dixerunt : Linguam nostram magnificabimus ; labia nostra a nobis sunt. Quis noster dominus est ?

⁵ Propter miseriam inopum, et gemitum pauperum, nunc exsurgam, dicit Dominus. Ponam in salutari ; fiducialiter agam in eo.

⁶ Eloquia Domini, eloquia casta ; argentum igne examinatum, probatum terræ, purgatum septuplum.

⁷ Tu, Domine, servabis nos, et custodies nos a generatione hac in æternum.

⁸ In circuitu impii ambulant : secundum altitudinem tuam multiplicasti filios hominum.

⁹ Melior est pauper et sufficiens sibi quam gloriosus et indigens pane.

¹⁰ Novit justus jumentorum suorum animas, viscera autem impiorum crudelia.

¹¹ Qui operatur terram suam satiabitur panibus ; qui autem sectatur otium stultissimus est. Qui suavis est in vini demorationibus, in suis munitionibus relinquit contumeliam.

¹² Desiderium impii munimentum est pessimorum, radix autem justorum proficiet.

¹³ Propter peccata labiorum ruina proximat malo, effugiet autem justus de angustia.

¹⁴ De fructu oris sui unusquisque replebitur bonis, et juxta opera manuum suarum retribuetur ei.

¹⁵ Via stulti recta in oculis ejus ; qui autem sapiens est audit consilia.

¹⁶ Fatuus statim indicat iram suam ; qui autem dissimulat injuriam callidus est.

¹⁷ Qui quod novit loquitur, index justitiæ est ; qui autem mentitur testis est fraudulentus.

¹⁸ Est qui promittit, et quasi gladio pungitur conscientiæ, lingua autem sapientium sanitas est.

¹⁹ Labium veritatis firmum erit in perpetuum ; qui autem testis est repentinus concinnat linguam mendacii.

²⁰ Dolus in corde cogitantium mala ; qui autem pacis ineunt consilia, sequitur eos gaudium.

²¹ Non contristabit justum quidquid ei acciderit, impii autem replebuntur malo.

²² Abominatio est Domino labia mendacia ; qui autem fideliter agunt placent ei.

²³ Homo versatus celat scientiam, et cor insipientium provocat stultitiam.

²⁴ Manus fortium dominabitur ; quæ autem remissa est tributis serviet.

²⁵ MÅ“ror in corde viri humiliabit illum, et sermone bono lætificabitur.

²⁶ Qui negligit damnum propter amicum, justus est ; iter autem impiorum decipiet eos.

²⁷ Non inveniet fraudulentus lucrum, et substantia hominis erit auri pretium.

²⁸ In semita justitiæ vita ; iter autem devium ducit ad mortem.