the Fourth Week after Easter
Click here to join the effort!
Read the Bible
Clementine Latin Vulgate
Canticum Canticorum 11
1 Statera dolosa abominatio est apud Dominum, et pondus æquum voluntas ejus.2 Ubi fuerit superbia, ibi erit et contumelia ; ubi autem est humilitas, ibi et sapientia.3 Simplicitas justorum diriget eos, et supplantatio perversorum vastabit illos.4 Non proderunt divitiæ in die ultionis ; justitia autem liberabit a morte.5 Justitia simplicis diriget viam ejus, et in impietate sua corruet impius.6 Justitia rectorum liberabit eos, et in insidiis suis capientur iniqui.
7 Mortuo homine impio, nulla erit ultra spes, et exspectatio sollicitorum peribit.8 Justus de angustia liberatus est, et tradetur impius pro eo.9 Simulator ore decipit amicum suum ; justi autem liberabuntur scientia.10 In bonis justorum exsultabit civitas, et in perditione impiorum erit laudatio.
