Read the Bible

¹ Ibique locutus est Dominus ad Moysen, dicens :² Mitte viros, qui considerent terram Chanaan, quam daturus sum filiis Israël, singulos de singulis tribubus, ex principibus.³ Fecit Moyses quod Dominus imperaverat, de deserto Pharan mittens principes viros, quorum ista sunt nomina.⁴ De tribu Ruben, Sammua filium Zechur.⁵ De tribu Simeon, Saphat filium Huri.

⁶ De tribu Juda, Caleb filium Jephone.⁷ De tribu Issachar, Igal filium Joseph.⁸ De tribu Ephraim, Osee filium Nun.⁹ De tribu Benjamin, Phalti filium Raphu.¹⁰ De tribu Zabulon, Geddiel filium Sodi.¹¹ De tribu Joseph, sceptri Manasse, Gaddi filium Susi.

¹² De tribu Dan, Ammiel filium Gemalli.¹³ De tribu Aser, Sthur filium Michaël.¹⁴ De tribu Nephthali, Nahabi filium Vapsi.¹⁵ De tribu Gad, Guel filium Machi.¹⁶ Hæc sunt nomina virorum, quos misit Moyses ad considerandam terram : vocavitque Osee filium Nun, Josue.¹⁷ Misit ergo eos Moyses ad considerandam terram Chanaan, et dixit ad eos : Ascendite per meridianam plagam. Cumque veneritis ad montes,¹⁸ considerate terram, qualis sit : et populum qui habitator est ejus, utrum fortis sit an infirmus : si pauci numero an plures :