Read the Bible

¹ למנצח על יונת אלם רחקים לדוד מכתם באחז אתו פלשתים בגת חנני אלהים כי שאפני אנוש כל היום לחם ילחצני׃² שאפו שוררי כל היום כי רבים לחמים לי מרום׃³ יום אירא אני אליך אבטח׃⁴ באלהים אהלל דברו באלהים בטחתי לא אירא מה יעשה בשר לי׃⁵ כל היום דברי יעצבו עלי כל מחשבתם לרע׃⁶ יגורו יצפינו המה עקבי ישמרו כאשר קוו נפשי׃⁷ על און פלט למו באף עמים הורד אלהים׃

⁸ נדי ספרתה אתה שימה דמעתי בנאדך הלא בספרתך׃⁹ אז ישובו אויבי אחור ביום אקרא זה ידעתי כי אלהים לי׃¹⁰ באלהים אהלל דבר ביהוה אהלל דבר׃¹¹ באלהים בטחתי לא אירא מה יעשה אדם לי׃¹² עלי אלהים נדריך אשלם תודת לך׃¹³ כי הצלת נפשי ממות הלא רגלי מדחי להתהלך לפני אלהים באור החיים׃