Read the Bible

¹ וירד באניה ויעבר ויבא אל עירו׃² והנה הם מביאים אליו איש נכה אברים והוא משכב על המטה ויהי כראות ישוע את אמונתם ויאמר אל נכה האברים חזק בני נסלחו לך חטאתיך׃³ והנה אנשים מן הסופרים אמרו בלבבם מגדף הוא׃⁴ וירא ישוע את מחשבתם ויאמר למה תחשבו רעה בלבבכם׃⁵ כי מה הנקל האמר נסלחו לך חטאתיך אם אמר קום התהלך׃⁶ אך למען תדעון כי בן האדם יש לו השלטן בארץ לסלח חטאים ויאמר אל נכה האברים קום שא את מטתך ולך לך אל ביתך׃⁷ ויקם וילך לביתו׃⁸ והמון העם כראותם זאת השתוממו וישבחו את האלהים אשר נתן שלטן כזה לבני אדם׃

⁹ ויהי בעבר ישוע משם וירא איש ישב בבית המכס ושמו מתי ויאמר אליו לכה אחרי ויקם וילך אחריך׃¹⁰ ויהי בהסבו בביתו והנה מוכסים וחטאים רבים באו ויסבו עם ישוע ותלמידיו׃¹¹ ויראו הפרושים ויאמרו אל תלמידיו מדוע עם המוכסים והחטאים אכל רבכם׃¹² וישמע זאת ישוע ויאמר אליהם החזקים אינם צריכים לרפא כי אם החולים׃¹³ ואתם צאו ולמדו מה הוא חסד חפצתי ולא זבח כי לא באתי לקרא את הצדיקים כי אם את החטאים לתשובה׃

¹⁴ ויגשו אליו תלמידי יוחנן ויאמרו מדוע אנחנו והפרושים צמים הרבה ותלמידיך אינם צמים׃¹⁵ ויאמר אליהם ישוע איך יוכלו בני החפה להתאבל בעוד החתן עמהם הנה ימים באים ולקח מאתם החתן ואז יצומו׃¹⁶ אין משים מטלית חדשה על שמלה בלה כי תנתק מלאתו מן השמלה ותרע הקריעה׃¹⁷ ואין נותנים יין חדש בנאדות בלים פן יבקעו הנאדות והיין ישפך והנאדות יאבדו אבל נותנים את היין החדש בנאדות חדשים ושניהם יחדו ישמרו׃

¹⁸ ויהי הוא מדבר אליהם את אלה והנה אחד השרים בא וישתחו לו ויאמר עתה זה מתה בתי בא נא ושים את ידך עליה ותחיה׃¹⁹ ויקם ישוע וילך אחריו הוא ותלמידיו׃²⁰ והנה אשה זבת דם שתים עשרה שנה נגשה מאחריו ותגע בציצת בגדו׃²¹ כי אמרה בלבה אך אם אגע בבגדו אושע׃²² ויפן ישוע וירא אותה ויאמר חזקי בתי אמונתך הושיעה לך ותושע האשה מן השעה ההיא׃²³ ויבא ישוע אל בית השר וירא את המחללים בחלילים ואת העם ההומה ויאמר׃²⁴ סורו מפה כי לא מתה הילדה אך ישנה היא וישחקו לו׃²⁵ ויהי אחרי גרש העם ויבא הביתה ויאחז בידה ותקם הנערה׃²⁶ ותצא השמועה הזאת בכל הארץ ההיא׃

²⁷ ויעבר ישוע משם וילכו אחריו שני אנשים עורים והמה צעקעם ואמרים חננו בן דוד׃²⁸ וכבואו הביתה נגשו אליו העורים ויאמר אליהם ישוע המאמינים אתם כי יש לאל ידי לעשות זאת ויאמרו אליו כן אדנינו׃²⁹ ויגע בעיניהם ויאמר יעשה לכם כאמונתכם׃³⁰ ותפקחנה עיניהם ויגער בם ישוע ויאמר ראו פן יודע לאיש׃³¹ והמה בצאתם השמיעו את שמעו בכל הארץ ההיא׃³² המה יצאו והנה הביאו אליו איש אלם אחוז שד׃³³ וכאשר גרש השד וידבר האלם ויתמה המון האנשים ויאמרו מעולם לא נראתה כזאת בישראל׃³⁴ והפרושים אמרו על ידי שר השדים מגרש הוא את השדים׃

³⁵ ויסב ישוע בכל הערים והכפרים וילמד בבתי כנסיותיהם ויבשר בשורת המלכות וירפא כל מחלה וכל מדוה בעם׃³⁶ ובראותו את ההמנים נכמרו רחמיו עליהם כי הם מתעלפים ונדחים כצאן אשר אין להם רעה׃³⁷ אז ידבר לתלמדידיו ויאמר רב הקציר והפעלים מעטים׃³⁸ לכן התחננו אל בעל הקציר לשלח פעלים לקצירו׃