Lectionary Calendar
Thursday, April 3rd, 2025
the Fourth Week of Lent
There are 17 days til Easter!
Attention!
StudyLight.org has pledged to help build churches in Uganda. Help us with that pledge and support pastors in the heart of Africa.
Click here to join the effort!

Read the Bible

Wycliffe Bible

Psalms 56

1 The title of the fyue and fiftithe salm. `In Ebreu thus, To the ouercomyng on the doumb culuer of fer drawing awei, the comely song of Dauid, whanne Filisteis helden hym in Geth. `In Jeroms translacioun thus, To the ouercomer for the doumb culuer, for it yede awei fer. Dauid meke and symple made this salm, whanne Palesteyns helden hym in Geth.2 God, haue thou merci on me, for a man hath defoulid me; al dai he impugnyde, and troublide me.3 Myn enemyes defouliden me al dai; for manye fiyteris weren ayens me.4 Of the hiynesse of dai Y schal drede; but God Y schal hope in thee.5 In God Y schal preise my wordis; Y hopide in God, Y schal not drede what thing fleisch schal do to me.6 Al dai thei cursiden my wordis; ayens me alle her thouytis weren in to yuel.7 Thei schulen dwelle, and schulen hide; thei schulen aspie myn heele.

8 As thei abiden my lijf, for nouyt schalt thou make hem saaf; in ire thou schalt breke togidre puplis.9 God, Y schewide my lijf to thee; thou hast set my teeris in thi siyt. As and in thi biheest, Lord;10 thanne myn enemyes schulen be turned abak. In what euere dai Y schal inwardli clepe thee; lo! Y haue knowe, that thou art my God.11 In God Y schal preise a word; in the Lord Y schal preyse a word. Y schal hope in God; Y schal not drede what thing a man schal do to me.12 God, thin auowis ben in me; whiche Y schal yelde heriyngis to thee.13 For thou hast delyuerid my lijf fro deth, and my feet fro slidyng; that Y pleese bifore God in the liyt of hem that lyuen.

 
adsfree-icon
Ads FreeProfile