Read the Bible

¹ The title of the thridde salm. `The salm of Dauid, whanne he fledde fro the face of Absolon, his sone.² Lord, whi ben thei multiplied that disturblen me?³ many men rysen ayens me. Many men seien of my soule, Noon helthe is to hym in his God.

⁴ But thou, Lord, art myn vptakere; my glorye, and enhaunsyng myn heed.⁵ With my vois Y criede to the Lord; and he herde me fro his hooli hil.⁶ I slepte, and `was quenchid, and Y roos vp; for the Lord resseyuede me.⁷ I schal not drede thousyndis of puple cumpassynge me; Lord, rise thou vp; my God, make thou me saaf. For thou hast smyte alle men beynge aduersaries to me with out cause; thou hast al to-broke the teeth of synneris.⁸ Helthe is of the Lord; and thi blessyng, Lord, is on thi puple.