Read the Bible

¹ The `title of the hundrid and thre and twentithe `salm. The song of grecis `of Dauith. Israel seie now, No but for the Lord was in vs;<sup>2</sup> no but for `the Lord was in vs. Whanne men risiden vp ayens vs;³ in hap thei hadden swalewid vs quike. Whanne the woodnesse of hem was wrooth ayens vs;⁴ in hap watir hadde sope vs vp.⁵ Oure soule passide thoruy a stronde; in hap oure soule hadde passide thoruy a watir vnsuffrable.

⁶ Blessid be the Lord; that `yaf not vs in taking to the teeth of hem.⁷ Oure soule, as a sparowe, is delyuered; fro the snare of hunters. The snare is al to-brokun; and we ben delyuered.⁸ Oure helpe is in the name of the Lord; that made heuene and erthe.