Read the Bible

¹ The title of the eleuenthe salm. To the victorie on the eiyte, the song of Dauid. Lord, make thou me saaf, for the hooli failide; for treuthis ben maad litle fro the sones of men.² Thei spaken veyn thingis, ech man to hys neiybore; thei han gileful lippis, thei spaken in herte and herte.³ The Lord destrie alle gileful lippis; and the greet spekynge tunge.⁴ Whiche seiden, We schulen magnyfie oure tunge, our lippis ben of vs; who is oure lord?⁵ For the wretchednesse of nedy men, and for the weilyng of pore men; now Y schal ryse vp, seith the Lord. I schal sette inhelt he; Y schal do tristili in hym.⁶ The spechis of the Lord ben chast spechis; siluer examynyd bi fier, preued fro erthe, purgid seuen fold.⁷ Thou, Lord, schalt kepe vs; and thou `schalt kepe vs fro this generacioun with outen ende.⁸ Wickid men goen in cumpas; bi thin hiynesse thou hast multiplied the sones of men.