Read the Bible

¹ Vir die musiekleier. 'n Psalm van Dawid. ² Hoor my stem, o God, in my klagte; bewaar my lewe vir die skrik van die vyand.³ Steek my weg vir die raad van die kwaaddoeners, vir die gewoel van die werkers van ongeregtigheid;⁴ wat hulle tong skerp maak soos 'n swaard, hulle pyl rig- bitter woorde! - ⁵ om in skuilplekke na die opregte te skiet; skielik skiet hulle hom en vrees nie.⁶ 'n Listige plan stel hulle vir hul vas; hulle spreek af om strikke te span; hulle sê: Wie sal dit sien?

⁷ Hulle versin ongeregtighede: Ons is gereed! 'n Fyn uitgedinkte plan! Ja, 'n man se binneste en onpeilbare hart!⁸ Maar God tref hulle met 'n pyl, skielik is hulle wonde daar.⁹ En hulle tong laat hulle oor hulself struikel; almal wat hulle aansien, skud die hoof.¹⁰ En alle mense vrees en verkondig die werk van God en gee ag op wat Hy doen.

¹¹ Die regverdige sal bly wees in die HERE en by Hom skuil, en al die opregtes van hart sal hulle beroem.