Study Desk

And aftir that hise britheren weren gon vp, thanne he yede vp to the feeste dai, not opynli, but as in priuyte.

And myche grutchyng was of hym among the puple. For summe seiden, That he is good; and othere seiden, Nai, but he disceyueth the puple;

But whanne the myddil feeste dai cam, Jhesus wente vp in to the temple, and tauyte.

Jhesus answerde to hem, and seide, My doctryne is not myn, but his that sente me.

He that spekith of hym silf, sekith his owne glorie; but he that sekith the glorie of hym that sente hym, is sothefast, and vnriytwisnesse is not in hym.

Therfor Moises yaf to you circumcisioun; not for it is of Moyses, but of the fadris; and in the sabat ye circumciden a man.

Nile ye deme aftir the face, but deme ye a riytful doom.

But we knowun this man, of whennus he is; but whanne Crist schal come, no man woot of whennus he is.

Therfor Jhesus criede in the temple `techynge, and seide, Ye knowen me, and `ye knowen of whennus Y am; and Y cam not of my silf, but he is trewe that sente me, whom ye knowen not.

Y knowe hym, and if Y seie that Y knowe hym not, Y schal be lijk to you, a liere; but Y knowe hym, for of hym Y am, and he sente me.

But in the laste dai of the greet feeste, Jhesus stood, and criede, and seide, If ony man thirstith, come he to me, and drynke.

But he seide this thing of the Spirit, whom men that bileueden in hym schulden take; for the Spirit was not yit youun, for Jhesus was not yit glorified.

Othere seiden, This is Crist. `But summe seiden, Whether Crist cometh fro Galilee?

For summe of hem wolden haue take hym, but no man sette hondis on hym.

But this puple, that knowith not the lawe, ben cursid.

but it haue first herde of hym, and knowe what he doith?

But Jhesus wente in to the mount of Olyuete.

Therfor eft Jhesus spak to hem, and seide, Y am the liyt of the world; he that sueth me, walkith not in derknessis, but schal haue the liyt of lijf.

But ye witen not fro whennus Y cam, ne whidur Y go. For ye demen aftir the fleisch, but Y deme no man;

and if Y deme, my doom is trewe, for Y am not aloone, but Y and the fadir that sente me.