Study Desk

Y haue many thingis to speke, and deme of you, but he that sente me is sothefast; and Y speke in the world these thingis, that Y herde of hym.

Therfor Jhesus seith to hem, Whanne ye han areisid mannus sone, thanne ye schulen knowe, that Y am, and of my silf Y do no thing; but as my fadir tauyte me, Y speke these thingis.

And the seruaunt dwellith not in the hows with outen ende, but the sone dwellith with outen ende.

Y woot that ye ben Abrahams sones, but ye seken to sle me, for my word takith not in you.

But now ye seken to sle `me, a man that haue spoken to you treuthe, that Y herde of God; Abraham dide not this thing.

But Jhesus seith to hem, If God were youre fadir, sotheli ye schulden loue me; for Y passide forth of God, and cam; for nether Y cam of my silf, but he sente me.

But for Y seie treuthe, ye bileuen not to me.

Jhesus answerde, and seide, Y haue not a deuel, but Y onoure my fadir, and ye han vnhonourid me.

And ye han not knowun hym, but Y haue knowun hym; and if Y seie that Y knowe hym not, Y schal be a liere lich to you; but Y knowe hym, and Y kepe his word.

Therfor thei token stonys, to caste to hym; but Jhesus hidde hym, and wente out of the temple.

Jhesus answeride, Nether this man synnede, nether hise eldris; but that the werkis of God be schewid in hym.

Othere men seiden, That this it is; othere men seyden, Nai, but he is lijc hym.

But he seide, That Y am. Therfor thei seiden to hym, Hou ben thin iyen openyd?

but hou he seeth now, we witen neuer, or who openyde hise iyen, we witen nere; axe ye hym, he hath age, speke he of hym silf.

We witen, that God spak to Moises; but we knowen not this, of whennus he is.

And we witen, that God herith not synful men, but if ony `man is worschypere of God, and doith his wille, he herith hym.

Fro the world it is not herd, that ony man openyde the iyen of a blynd borun man; but this were of God,

Jhesus seide to hem, If ye weren blynde, ye schulden not haue synne; but now ye seien, That we seen, youre synne dwellith stille.

Treuli, treuli, Y seie to you, he that cometh not in by the dore in to the foold of scheep, but stieth bi another weie, is a nyyt theef and a dai theef.

But he that entrith bi the dore, is the scheepherde of the scheep.