Study Desk

He that hath a wijf, is the hosebonde; but the freend of the spouse that stondith, and herith hym, ioieth with ioye, for the vois of the spouse. Therfor in this thing my ioye is fulfillid.

It bihoueth hym to wexe, but me to be maad lesse.

But he that takith his witnessyng, hath confermyd that God is sothefast.

But he whom God hath sent, spekith the wordis of God; for not to mesure God yyueth the spirit.

He that bileueth in the sone, hath euerlastynge lijf; but he that is vnbileueful to the sone, schal not se euerlastynge lijf, but the wraththe of God dwellith on hym.

thouy Jhesus baptiside not, but hise disciplis, he lefte Judee,

Jhesus answerde, and seide to hir, Eche man that drynkith of this watir, schal thirste efte soone; but he that drynkith of the watir that Y schal yyue hym, schal not thirste with outen ende; but the watir that Y schal yyue hym,

But the tyme is comun, and now it is, whanne trewe worschiperis schulen worschipe the fadir in spirit and treuthe; for also the fadir sekith suche, that worschipen hym.

But he seide to hem, Y haue mete to ete, that ye knowen not.

Therfor Jhesus seide to him, But ye se tokenes and grete wondris, ye bileuen not.

But he that was maad hool, wiste not who it was. And Jhesus bowide awei fro the puple, that was set in the place.

Therfor the Jewis souyten more to sle hym, for not oneli he brak the sabat, but he seide that God was his fadir, and made hym euene to God.

Therfor Jhesus answerde, and seide to hem, Treuli, treuli, Y seye to you, the sone may not of hym silf do ony thing, but that thing that he seeth the fadir doynge; for what euere thingis he doith, the sone doith in lijk maner tho thingis.

For nethir the fadir iugith ony man, but hath youun ech doom to the sone,

Treuli, treuli, Y seie to you, that he that herith my word, and bileueth to hym that sente me, hath euerlastynge lijf, and he cometh not in to doom, but passith fro deeth in to lijf.

And thei that han do goode thingis, schulen go in to ayenrisyng of lijf; but thei that han done yuele thingis, in to ayenrisyng of doom.

Y may no thing do of my silf, but as Y here, Y deme, and my doom is iust, for Y seke not my wille, but the wille of the fadir that sente me.

But Y take not witnessyng of man; but Y seie these thingis, that ye be saaf.

He was a lanterne brennynge and schynynge; but ye wolden glade at an our in his liyt.

But Y haue more witnessyng than Joon, for the werkis that my fadir yaf to me to perfourme hem, thilke werkis that Y do beren witnessyng of me, that the fadir sente me.