Study Desk

No man sai euer God, no but the `oon bigetun sone, that is in the bosum of the fadir, he hath teld out.

Joon answeride to hem, and seide, Y baptise in watir, but in the myddil of you hath stonde oon, that ye knowen not;

And Y knew hym not, but that he be schewid in Israel, therfor Y cam baptisynge in watir.

And Y knew hym not; but he that sente me to baptise in watir, seide to me, On whom thou seest the Spirit comynge doun, and dwellynge on hym, this is he, that baptisith in the Hooli Goost.

And whanne the architriclyn hadde tastid the watir maad wiyn, and wiste not wherof it was, but the mynystris wisten that drowen the watir, the architriclyn clepith the spouse,

and seith to hym, Ech man settith first good wiyn, and whanne men ben fulfillid, thanne that that is worse; but thou hast kept the good wiyn `in to this tyme.

But he seide of the temple of his bodi.

But Jhesus trowide not hym silf to hem, for he knewe alle men;

And he cam to Jhesu bi niyt, and seide to hym, Rabi, we witen, that thou art comun fro God maister; for no man may do these signes, that thou doist, but God be with hym.

Jhesus answerde, and seide to hym, Treuli, treuli, Y seie to thee, but a man be borun ayen, he may not se the kyngdom of God.

Jhesus answeride, Treuli, treuli, Y seie to thee, but a man be borun ayen of watir, and of the Hooli Goost, he may not entre in to the kyngdom of God.

The spirit brethith where he wole, and thou herist his vois, but thou wost not, fro whennus he cometh, ne whidir he goith; so is ech man that is borun of the spirit.

And no man stieth in to heuene, but he that cam doun fro heuene, mannys sone that is in heuene.

that ech man that bileueth in hym, perische not, but haue euerlastynge lijf.

For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf.

For God sente not his sone in to the world, that he iuge the world, but that the world be saued bi him.

He that bileueth in hym, is not demed; but he that bileueth not, is now demed, for he bileueth not in the name of the `oon bigetun sone of God.

But he that doith treuthe, cometh to the liyt, that hise werkis be schewid, that thei ben don in God.

Joon answerde, and seide, A man may not take ony thing, but it be youun to hym fro heuene.

Ye you silf beren witnessyng to me, that Y seide, Y am not Crist, but that Y am sent bifore hym.