Study Desk

A ryche man semeth wijs to him silf; but a pore man prudent schal serche him.

He that hidith hise grete trespassis, schal not be maad riytful; but he that knoulechith and forsakith tho, schal gete merci.

Blessid is the man, which is euere dredeful; but he that is `harde of soule, schal falle in to yuel.

A duyk nedi of prudence schal oppresse many men bi fals chalenge; but the daies of hym that hatith aueryce, schulen be maad longe.

A feithful man schal be preisid myche; but he that hastith to be maad riche, schal not be innocent.

He that auauntith hym silf, and alargith, reisith stryues; but he that hopith in the Lord, schal be sauyd.

He that tristith in his herte, is a fool; but he that goith wiseli,

A man that loueth wisdom, makith glad his fadir; but he that nurschith `an hoore, schal leese catel.

Men ful of pestilence distryen a citee; but wise men turnen awei woodnesse.

Menquelleris haten a simple man; but iust men seken his soule.

A yerde and chastisyng schal yyue wisdom; but a child, which is left to his wille, schendith his modir.

Whanne prophesie faylith, the puple schal be distried; but he that kepith the lawe, is blessid.

helle, and the mouth of the wombe, and the erthe which is neuere fillid with water; but fier seith neuere, It suffisith.

Generacioun passith awei, and generacioun cometh; but the erthe stondith with outen ende.

Mynde of the formere thingis is not, but sotheli nether thenkyng of tho thingis, that schulen come afterward, schal be at hem that schulen come in the last tyme.

God yaf wisdom, and kunnyng, and gladnesse to a good man in his siyt; but he yaf turment, and superflu bisynesse to a synnere, that he encreesse, and gadere togidere, and yyue to hym that plesith God; but also this is vanyte, and veyn bisynesse of soule.

And Y knew that no thing was betere `to a man, `no but to be glad, and to do good werkis in his lijf.

The noumbre of puple, of alle that weren bifore hym, is greet with outen mesure, and thei that schulen come aftirward, schulen not be glad in hym; but also this is vanyte and turment of the spirit.

If thou hast avowid ony thing to God, tarie thou not to yelde; for an vnfeithful and fonned biheest displesith hym; but `yelde thou what euer thing thou hast avowid;

Where ben many dremes, ben ful many vanytees, and wordis with out noumbre; but drede thou God.