Study Desk

But he seide, The thingis that gon out of a man, tho defoulen a man.

And he comaundide to hem, that thei schulden seie to no man; but hou myche he comaundide to hem, so myche more thei prechiden,

And thei foryaten to take breed, and thei hadden not with hem but o loof in the boot.

Thanne he seith to hem, But whom seien ye that Y am? Petre answeride, and seide to hym, Thou art Crist.

And he turnede, and saiy hise disciplis, and manasside Petir, and seide, Go after me, Satanas; for thou sauerist not tho thingis that ben of God, but tho thingis that ben of men.

But who that knoulechith me and my wordis in this generacioun avowtresse and synful, also mannus sone schal knouleche him, whanne he schal come in the glorie of his fadir, with his aungels.

And anoon thei bihelden aboute, and sayn no more ony man, but Jhesu oonli with hem.

And whanne thei camen doun fro the hille, he comaundide hem, that thei schulden not telle to ony man tho thingis that thei hadden seen, but whanne mannus sone hath risun ayen fro deeth.

and ofte he hath put hym in to fier, and in to watir, to leese hym; but if thou maiste ony thing, helpe vs, and haue merci on vs.

And he seide to hem, This kynde in no thing may go out, but in preier and fastyng.

Who euer resseyueth oon of such children in my name, he resseyueth me; and who euer resseyueth me, he resseyueth not me aloone, but hym that sente me.

But fro the bigynnyng of creature God made hem male and female;

and schal drawe to hys wijf, and thei schulen be tweyne in o flesch. And so now thei ben not tweyne, but o flesch.

And Jhesus seide to hym, What seist thou, that Y am good? Ther is no man good, but God hym silf.

And Jhesus bihelde hem, and seide, Anentis men it is impossible, but not anentis God; for alle thingis ben possible anentis God.

But many schulen be, the firste the last, and the last the firste.

but to sitte at my riythalf or lefthalf is not myn to yyue to you, but to whiche it is maad redi.

But Jhesus clepide hem, and seide to hem, Ye witen, that thei that semen to haue prynshode of folkis, ben lordis of hem, and the princes of hem han power of hem.

But it is not so among you, but who euer wole be maad gretter, schal be youre mynyster;

For whi mannus sone cam not, that it schulde be mynystrid to hym, but that he schulde mynystre, and yyue his lijf ayenbiyng for manye.