Study Desk

For which cause also Y suffre these thingis; but Y am not confoundid. For Y woot to whom Y haue bileuyd, and Y am certeyne that he is miyti for to kepe that is take to my keping in to that dai.

The Lord yyue merci to the hous of Onesyforus, for ofte he refreischide me, and schamyde not my chayne.

For he that fiytith in a batel, schal not be corowned, but he fiyte lawfuli.

Vndurstonde thou what thingis Y seie. For the Lord schal yyue to thee vndurstonding in alle thingis.

Therfor Y suffre alle thingis for the chosun, that also thei gete the heelthe, that is in Crist Jhesu, with heuenli glorie.

Teche thou these thingis, witnessinge bifore God. Nyle thou stryue in wordis; for to no thing it is profitable, but to the subuerting of men that heren.

But eschewe thou vnhooli and veyn spechis, for whi tho profiten myche to vnfeithfulnesse,

But ferthere thei schulen not profite, for the vnwisdom of hem schal be knowun to alle men, as hern was.

for thou hast knowun hooli lettris fro thi youthe, whiche moun lerne thee to heelthe, bi feith that is in Crist Jhesu.

For al scripture inspirid of God is profitable to teche, to repreue, to chastice, to lerne in riytwisnes,

For tyme schal be, whanne men schulen not suffre hoolsum teching, but at her desiris thei schulen gadere `togidere to hem silf maistris yitchinge to the eeris.

For Y am sacrifisid now, and the tyme of my departyng is nyy.

Hyye thou to come to me soone. For Demas, louynge this world, hath forsakun me, and wente to Tessalonyk,

Luk aloone is with me. Take thou Mark, and brynge with thee; for he is profitable to me in to seruyce.

Whom also thou eschewe; for he ayenstood ful greetli oure wordis.

For cause of this thing Y lefte thee at Crete, that thou amende tho thingis that failen, and ordeyne preestis bi citees, as also Y disposide to thee.

For it bihoueth a bischop to be without cryme, a dispendour of God, not proud, not wrathful, not drunkelew, not smytere, not coueytouse of foul wynnyng;

For ther ben many vnobedient, and veyn spekeris, and disseyueris, moost thei that ben of circumcisyoun,

whiche it bihoueth to be repreued; whiche subuerten alle housis, techinge whiche thingis it bihoueth not, for the loue of foul wynnyng.

This witnessyng is trewe. For what cause blame hem sore, that thei be hool in feith,