Study Desk

And therfor he owith, as for the puple, so also for hym silf, to offre for synnes.

Which in the daies of his fleisch offride, with greet cry and teeris, preieris and bisechingis to hym that myyte make hym saaf fro deth, and was herd for his reuerence.

Of whom ther is to vs a greet word for to seie, and able to be expowned, for ye ben maad feble to here.

For whanne ye ouyten to be maistris for tyme, eftsoone ye neden that ye be tauyt, whiche ben the lettris of the bigynnyng of Goddis wordis. And ye ben maad thilke, to whiche is nede of mylk, and not sad mete.

For ech that is parcenere of mylk, is with out part of the word of riytwisnesse, for he is a litil child.

But of perfit men is sad mete, of hem that for custom han wittis exercisid to discrecioun of good and of yuel.

For the erthe that drinkith reyn ofte comynge on it, and bringith forth couenable erbe to hem of whiche it is tilid, takith blessing of God.

For God is not vniust, that he foryete youre werk and loue, whiche ye han schewid in his name; for ye han mynystrid to seyntis, `and mynistren.

For God bihetinge to Abraham, for he hadde noon grettere, bi whom he schulde swere, swoor bi hym silf,

For men sweren bi a grettere than hem silf, and the ende of al her ple is an ooth to confirmacioun.

where the bifore goere, Jhesus, that is maad bischop with outen ende bi the ordre of Melchisedech, entride for vs.

For men of the sones of Leuy takinge presthod han maundement to take tithis of the puple, bi the lawe, that is to seie, of her britheren, thouy also thei wenten out of the leendis of Abraham.

Therfor if perfeccioun was bi the preesthood of Leuy, for vndur hym the puple took the lawe, what yit was it nedeful, another preest to rise, bi the ordre of Melchisedech, and not to be seid bi the ordre of Aaron?

For whi whanne the preesthod is translatid, it is nede that also translacioun of the lawe be maad.

For it is opyn, that oure Lord is borun of Juda, in which lynage Moises spak no thing of preestis.

For he witnessith, That thou art a preest with outen ende, bi the ordre of Melchisedech;

that repreuyng of the maundement bifor goynge is maad, for the vnsadnesse and vnprofit of it.

For whi the lawe brouyt no thing to perfeccioun, but there is a bringing in of a betere hope, bi which we neiyen to God.

And the othere weren maad manye preestis, `therfor for thei weren forbedun bi deth to dwelle stille;

but this, for he dwellith with outen ende, hath an euerlastynge preesthod.