Study Desk

Of the mouth of yonge children, not spekynge and soukynge mylk, thou madist perfitli heriyng, for thin enemyes; that thou destrie the enemy and avengere.

For Y schal se thin heuenes, the werkis of thi fyngris; the moone and sterris, whiche thou hast foundid.

What is a man, that thou art myndeful of hym; ethir the sone of a virgyn, for thou visitist hym?

The title of the nynthe salm. In to the ende, for the pryuytees of the sone, the salm of Dauid. Lord, Y schal knouleche to thee in al myn herte; Y schal telle alle thi merueils.

For thou turnest myn enemy abac; thei schulen be maad feble, and schulen perische fro thi face.

For thou hast maad my doom and my cause; thou, that demest riytfulnesse, `hast set on the trone.

And thei, that knowen thi name, haue hope in thee; for thou, Lord, hast not forsake hem that seken thee.

God foryetith not the cry of pore men; for he hath mynde, and sekith the blood of hem.

For the foryetyng of a pore man schal not be in to the ende; the pacience of pore men schal not perische in to the ende.

For he seide in his herte, Y schal not be moued, fro generacioun in to generacioun without yuel.

Hise iyen biholden on a pore man; he settith aspies in hid place, as a lioun in his denne. He settith aspies, for to rauysche a pore man; for to rauysche a pore man, while he drawith the pore man.

For he seide in his herte, God hath foryete; he hath turned awei his face, that he se not in to the ende.

For what thing terride the wickid man God to wraththe? for he seide in his herte, God schal not seke.

Thou seest, for thou biholdist trauel and sorewe; that thou take hem in to thin hondis. The pore man is left to thee; thou schalt be an helpere to the fadirles and modirles.

To deme for the modirles `and meke; that a man `leie to no more to `magnyfie hym silf on erthe.

For lo! synneris han bent a bouwe; thei han maad redi her arowis in an arowe caas; `for to schete in derknesse riytful men in herte.

For thei han distryed, whom thou hast maad perfit; but what dide the riytful man?

For the Lord is riytful, and louede riytfulnessis; his cheer siy equite, `ethir euennesse.

The title of the eleuenthe salm. To the victorie on the eiyte, the song of Dauid. Lord, make thou me saaf, for the hooli failide; for treuthis ben maad litle fro the sones of men.

For the wretchednesse of nedy men, and for the weilyng of pore men; now Y schal ryse vp, seith the Lord. I schal sette inhelt he; Y schal do tristili in hym.