Study Desk

Therfor take ye to you seuene bolis, and seuene rammes; and go ye to my seruaunt Joob, and offre ye brent sacrifice for you. Forsothe Joob, my seruaunt, schal preie for you; Y schal resseyue his face, that foli be not arettid to you [Note: to euerlastinge peyne. ]; for ye `spaken not bifor me riytful thing, as my seruaunt Joob dide.

Also the Lord was conuertid to the penaunce of Joob, whanne he preiede for hise frendis. And the Lord addide alle thingis double, whiche euere weren of Joob.

For the Lord knowith the weie of iust men; and the weie of wickid men schal perische.

I slepte, and `was quenchid, and Y roos vp; for the Lord resseyuede me.

I schal not drede thousyndis of puple cumpassynge me; Lord, rise thou vp; my God, make thou me saaf. For thou hast smyte alle men beynge aduersaries to me with out cause; thou hast al to-broke the teeth of synneris.

Be ye wrothe, and nyle ye do synne; `and for tho thingis whiche ye seien in youre hertis and in youre beddis, be ye compunct.

In pees in the same thing; Y schal slepe, and take reste. For thou, Lord; hast set me syngulerli in hope.

For, Lord, Y schal preie to thee; here thou eerly my vois.

Eerli Y schal stonde nyy thee, and Y schal se; for thou art God not willynge wickidnesse.

Lord, lede thou forth me in thi riytfulnesse for myn enemyes; dresse thou my weie in thi siyt.

For whi treuthe is not in her mouth; her herte is veyn.

Her throte is an opyn sepulcre, thei diden gilefuli with her tungis; God, deme thou hem. Falle thei doun fro her thouytis, vp the multitude of her wickidnessis caste thou hem doun; for, Lord, thei han terrid thee to ire. And alle that hopen in thee, be glad; thei schulen make fulli ioye with outen ende, and thou schalt dwelle in hem.

for thou schalt blesse a iust man. Lord, thou hast corouned vs, as with the scheeld of thi good wille.

Lord, haue thou merci on me, for Y am sijk; Lord, make thou me hool, for alle my boonys ben troblid.

Lord, be thou conuertid, and delyuere my soule; make thou me saaf, for thi merci.

For noon is in deeth, which is myndful of thee; but in helle who schal knouleche to thee?

Alle ye that worchen wickidnesse, departe fro me; for the Lord hath herd the vois of my wepyng.

The title of the seuenthe salm. For the ignoraunce of Dauid, which he songe to the Lord on the wordis of Ethiopien, the sone of Gemyny. Mi Lord God, Y haue hopid in thee; make thou me saaf fro alle that pursuen me, and delyuere thou me.

And for this go thou ayen an hiy; the Lord demeth puplis. Lord, deme thou me bi my riytfulnesse; and bi myn innocence on me.

The title of the eiythe salm. To the ouercomere, for pressours, the salm of Dauid. Lord, thou art oure Lord; thi name is ful wonderful in al erthe. For thi greet doyng is reisid, aboue heuenes.